Освен главната причина за закиселување на храната, постојат голем број корисни причини за постојано да имате оцет во домот. Кога ќе ја прочитате листата со несекојдневни и корисни употреби на оцетот, ќе се изненадите од бројните примени кои има во домаќинството.
- Според повеќе истражувања, оцетот ги намалува ризичните факторите кои може да доведат до губење на меморијата и деменција, високо ниво на шеќер во крвта, инсулинска резистенција, дијабетес, предијабетес, го намалува зголемениот апетит, а со тоа го контролира внесот на храна, со што спречува прекумерното дебелеење.
- Чешањето што се појавува при каснувања од инсекти, може да се ублажи доколку болното место се третира со алкохолен, неразреден оцет.
- Смирете ги изгорениците што настанале од несоодветно сончање, со тоа што ќе ги испрскате со дестилиран алкохолен оцет. Ладниот оцет е уште подобар во овај случај, бидејќи помага за да се избегне појавата на осип и лупење на кожата.
- За природно лечење на гребнатинки и посекотини, користете дестилиран алкохолен оцет како антисептик.
- Ослободете се од непријатната миризба на нозете, така што прво ќе ги измиете со сапун, а потоа потопете ги во неразреден јаболков оцет и чувајте ги така околу 10 минути.
- За темелно чистење на четката за коса употребете раствор од дестилиран алкохолен оцет и потопете ја со него.
- Исчистете ја кожата на лицето со помош на памук кој ќе го натопите во еднакви количини на вода и дестилиран алкохолен оцет.
- Ако лосионот кој го користите по бричење ви предизвикува осип или неподносливо чешање на кожата, обидете се да користите неразреден дестилиран алкохолен оцет по секое бричење.
- Осветлете ги пегите на телото, (но не и на лицето), со тоа што ќе ги премачкувате со дестилиран алкохолен оцет.
- Отстранете го лошиот здив и избелете ги забите, така што ќе ги миете еднаш или двапати неделно со дестилиран алкохолен оцет.
- Нека вашиот лак за нокти трае подолго. Пред секое нивно лакирање избришете ги ноктите со памук кој претходно сте го натопиле во дестилиран алкохолен оцет.