Кога станува збор за зелник, сите ќе се согласиме дека е превкусен со секаков фил, а оценката најмногу зависи од вкусот на дегустаторот и секако умешноста на оној кој го подготвува. Ние сме сигурни во вкусот на зелник со праз и тиквички, бидејќи е предлог од Клара, која редовно ни предлага докажани вкусови. Па, да го пробаме пријатели!
Има ли нешто подобро од топол домашен леб? Самиот мирис потсетува на детството, на убави мигови, на важни нешта, а деновиве се совршени за подготвување на нови добри рецепти. Ви препорачуваме малку поинаков рецепт за домашен леб, вкус на кој не сте навикнале, а сигурно ќе ве освои со својата уникатност!
Ако сте љубител на печива тогаш немојте да се двоумите да ја подготвите вкусна декоративна посна погача. Освен што одлично изгледа, оваа посна погача од нашата пријателка од блогот Trydiani, е збогатена со ароматичниот вкус на босилек, рузмарин, лук кој е дополнет со карактеристичниот вкус на маслинките. Вреди да се проба!
„Голем број од нас обожаваат да го започнат денот со варен ѓеврек и чаша јогурт, а секако најлесно е да ги набавиме од маалската продавница во соседството или најблиската пекара до нашето работно место. Ви припремив рецепт кој ќе ви овозможи избор на потврден квалитет за она што го јадете, па ви предлагам да ги пробате и вие моите интегрални домашни ѓевречиња.“ – вели Катерина Шамбевска Спасеновска фудблогер и уредник од нашиот тим.
Ако барате брз и лесен рецепт за летна пита, имаме одличен предлог за вас. Направете брза пита со тиквички и мелено месо. Идејата за рецептот ја добивме од групата Македонската кујна – некогаш и денес, на предлог од Татјана Галовска, но направивме некои измени и добивме поразличен вкус на оваа мека, сочна пита без глутен.
Доколку обожавате домашни лепчиња и сакате да ја дегустирате интернационалната кујна, ви предлагаме да го пробате рецептот за арапски лепчиња. И овој пат на блогот Trydiani пронајдовме интересен рецепт за посни лепчиња кои се прават од комбинација на интегрално, ‘ржано или бело брашно, а од состојките може да направите четири големи или осум мали лепчиња.
