Ајде да испробаме нова и многу вкусна летна комбинација! Ако си љубител на едноставни, но свежи и ароматични јадења, тогаш мора да направиш сендвич капрезе, кој е совршен избор за тебе.
Капрезе салата е многу едноставна италијанска салата, која потекнува од италијанската област Кампања. Традиционално се приготвува со моцарела сирење, кое е направено од биволско млеко, сечкани домати и листови босилек, зачинета со сол и маслиново масло. Капрезе салатата специјално беше креирана во асоцијација на италијанското национално знаме, на кое се среќаваат црвена, бела и зелена боја.