„Спомени од дестството! Совршено крцкави, неизмерно вкусни и направени од вештите раце на мајка ми! – Ете на тоа ме потсетуваат овие крцкави вртени стапчиња. Мајка ми ни ги правеше од кога знам за себе, па сега со огромно задоволство ги правам јас. Пријатните емоции од сеќавањата на крцкањето и уживањето во дружбите, родендените, ме поттикнаа да научам да ги правам совршено како неа. Сите кои ги пробаа, се воодушевија и затоа ви ги препорачувам! – вели Катерина од нашиот тим.
Новонастанатата ситуација со корона вирусот налага нови правила на живот со цел полесно и побрзо да се справиме со епидемијата. Еден од главните и најефикасни совети покрај тоа често да ги миеме и дезинфицираме рацете е сите да останеме дома и да не излегуваме без причина. Слободното време може да го исполниме со гледање филмови, читање книги, но и готвење, чистење и пролетно средување на домот. За полесни денови припремивме листа на 17 избрани рецепти за солени стапчиња, грицки и бисквити.
Што би рекол нашиот народ „невидено вкусни“! Ако сакате да направите нов и малку поинаков десерт, рецептот за крцкавиве шпански крофни и тоа како ќе ви се најде! Најпознати се под името чурос и наликуваат на интересни стапчиња. Обично се наросуваат со шеќер во прав и цимет, или се јадат со топло чоколадо или прелив. Сигурно ќе уживате, ви гарантираме!
Екстрактот од ванила е состојка која често се спомнува во рецептите за подготовка на колачи или торти. И, иако овој екстракт лесно може да се купи во сите поголеми супер маркети, неговиот вкус и арома ќе бидат уште подобри доколку си го направите дома. Знаете ли дека лесно и едноставно може да си направите домашен есктракт од ванила кој ќе го збогатува вкусот на сите ваши слатки задоволства? – Во продолжение дознајте како.
Имаме нов супер брз и лесен рецепт за солени стапчиња кој ни доаѓа од кујната на Лана. Овие солени стапчиња со маслинки и кашкавал се полн погодок за сите оние кои ја обожаваат медитеранската кујна, но и за сите останати кои сакаат да грицкаат нешто домашно и вкусно додека го гледаат омилениот филм или спортски натпревар. По желба, секако може да ги направите и со други состојки по сопствен вкус, изборот е ваш, а можностите на комбинации на вкусови се неограничени.
Домашните солени стапчиња се највкусни, лесно се прават и сигурно целото семејство ќе се израдува доколку ги направите. А послужени со вкусен сос се идеални како мезе за пријателите, гледање на филм или некој фудбалски натпревар. Па, токму и така се роди идејата да направиме солени стапчиња со оригано, буковец и копар. Овие зачини ги набавивме од Рајска градина и ни беа инспирација да приготвиме нешто интересно.
Направете крцкави сусам стапчиња со мелено ленено семе, повикајте го друштво, одберете го омилениот филмски наслов и препуштете се на уживањето! По желба вкусните и крцкави сусам стапчиња може да ги направите за бројните родендени во семејството, викендите, излетите и разните дружби! Одлични се за во разни прилики и се вклопуваат на сечија трпеза.
Убаво е кога испробуваш различни јадења и правиш рецепти кои се јадат при одредени диетални режими. А бидејќи храната е наша љубов, постојано истражуваме и експериментираме со различни рецепти, а оние најдобрите ги споделуваме со сите вас. Хроно исхраната е многу актуелна во последно време, па решивме да ја проучиме подетално. Така се роди идејата за овие солени стапчиња со сусам, кои се прават со јачменово и ржано брашно.
„Кој може да одолее на крцкави, домашни и вкусни солени стапчиња со зачини? – Често ги правам, а верувајте сите ги обожваат. Одлични се за забави, родендени, како грицки со филм или спортски натпревар. Од наведените состојки ќе добиете поголема количина на зачинети солени стапчиња, кои може да ги замрзнете и да ги користите штом ви се грицка нешто вкусно“ – вели Марија од нашиот тим.