Брза и лесна, за мерак! Многу добро ни ја опиша Катерина М. – „Убава, мека и сочна торта која може да ви се најде за време на постот.“ Ние и веруваме, затоа што имаме испробано многу нејзини рецепти, па ви ја предлагаме и оваа брза посна торта со афион и мармалад.
Може да ве интересира: Брза посна торта со мармалад и ореви.
Состојки:
- 3 чаши брашно
- 1+1/2 чаша шеќер
- 2 неполни чаши топла вода
- 1/2 чаша масло
- 3 лажици афион
- 3 полни лажици мармалад од јагоди
- 1 ќесичка прашок за печиво
- 1 ќесичка ванилин шеќер.
* Чашата е од 200 мл.
За премачкување:
- по потреба мармалад од јагоди
За посипување:
- полна рака бадеми.
Подготовка:
- Во длабок сад ставете ги топлата вода и шеќерот. Мешајте додека шеќерот малку се подрастопи.
- Додајте ги постепено останатите состојки и измешајте убаво со жица за матење.
- Турете ја смесата во тркалезен калап (бр.26).
- Печете во загреана рерна на 200 степени, за време од 25-30 минути (зависно од рерната, а најдобро проверувајте со чепкалка).
- Испечениот колач додека е топол премачкајте го со мармаладот и посипете со претходно припремените бадеми (иситнети во блендер или кујнски сечко). Брзо и лесно, тоа е тоа!
Рецептот го испратил: Катерина Милошевска Глигороска.
Ви препорачуваме да прочитате: Посна торта со афион и вишни.