Фантазија од вкусови! Ви припремив вкусна и здрава чоколадна торта која ќе го освои сечиј вкус! Ароматичната кора и сокот од портокал му даваат посебна свежина на интензивното темно чоколадо и крцкавите лешници, додека румот и ванилата додаваат топла и пријатна нота. Едноставно, совршена!
Испробај ја во прва прилика и препушти се на слаткото уживање!
Состојки:
- 2 лажици мед
- 200 г потпечени мелени лешници
- 200 г мелени овесни снегулки
- 2 лажички екстракт од рум
- 2 лажички екстракт од ванила
- 2 лажички путер од лешници
- кора од 2 портокали
- свеж цеден сок од 2 портокали
- 300 грама темно чоколадо.
Подготовка:
- На крупната страна од рендето изрендајте 200 г чоколадо.
- Кората од портокалот изрендајте ја на ситната страна од рендето. Потоа, портокалот исцедете го.
- Во сад на оган ставете го медот да се загрее. Потоа, садот тргнете го од огнот.
- Во длабока чинија ставете ги овесните снегулки, чоколадото, кората од портокалите и лешниците. Измешајте со лажица. Во садот додајте ги сокот од портокалот, екстрактите од рум и ванила, медот и путерот од лешници. Измешајте убаво.
- Од смесата формирајте торта во калап бр. 16. Оставате ја тортата да се стегне за време од 1 час.
- Преостанатото чоколадо растопете го на пареа. Тортата прелијте ја со растопеното чоколадо. По желба декорирајте со парчиња портокал. Погледни го видеото од подготовката. На здравје!
Препорака од авторот:
Ти се допадна овој рецепт? Посети ги моите профили и заследи ме:
- Instagram – @kocovska.marija
- Facebook – Marija Kocovska
- Youtube – Marija Kocovska
- TikТok – @marija.kochovska.
Испробај го и рецептот здрава торта од моркови.