Ако барате здрав посен десерт кој е богат со растителни влакна, омега-3 масни киселини и природен вкус на какао, овој чоколаден чиа пудинг е вистинскиот избор.
Со блендирање на чиа семето се добива исклучително кремаста текстура, а истовремено се олеснува искористувањето на хранливите материи. Кај дел од луѓето ваквиот начин на подготовка може да биде и полесен за варење отколку консумирањето цели чиа семки.
Состојки:
- 2 чаши dmBio млеко од бадеми
- ¼ чаша dmBio какао во прав
- ½ чаша dmBio чиа семе
- 3 лажици dmBio агаве сируп
- ½ лажичка dmBio цејлонски цимет.
Сите состојки за подготовка на овој кремаст чиа пудинг можете да ги најдете во dm продавниците низ Македонија.
Подготовка:
- Во блендер ставете ги млекото од бадеми, чиа семето, какаото, агаве сирупот и циметот.
- Блендирајте 10 – 15 секунди додека добиете мазна и кремаста смеса.
- Распоредете ја смесата во стаклени чаши или теглички.
- Покријте и оставете во фрижидер најмалку 4 часа, а најдобро преку ноќ.
- Пред сервирање по желба декорирајте со свежо овошје, нане или парчиња чоколадо.
Совети за совршен резултат:
- Зошто блендирање? Блендирањето целосно ја менува текстурата — наместо желести зрнца, добивате десерт со текстура на класичен пудинг или мус.
- Meal Prep: Овој десерт е одличен за однапред подготвување и може да се чува во фрижидер до 4 дена.
- Разновидност: Совршен е како брз појадок, ужина во текот на денот или десерт за деновите кога имате желба за нешто благо. Совршено се вклопува со путер од кикирики или џем од јагоди.
Доколку го подготвите рецептот, споделете фотографија и означете ме на Instagram – со задоволство ќе ја споделам! За уште повеќе идеи, сезонски рецепти и кулинарска инспирација, следете ме на социјалните мрежи:
- Instagram: @kocovska.marija
- Facebook: Marija Kocovska
- YouTube: Marija Kocovska
- TikTok: @marija.kochovska
Можеби ќе ве интересира и: Здрави енергетски чоколадни бомбици со 5 состојки – од кујната на Марија Кочовска: Најбрзиот десерт без печење.
*Рецептот е подготвен во соработка со dm Makedonija.