Понекогаш највкусните рецепти се и наједноставните. Печените лепчиња со лук се токму таков пример – крцкави однадвор, а меки одвнатре. Совршени се како прилог, брза ужинка или додаток покрај супи, салати и тестенини.
Кој не обожава печени лепчиња? Ајде во кујната и испробај го овој брз рецепт, кој лесно може да стане дел од твоите омилени.
Состојки:
- 6 – 8 парчиња бел пченичен леб од Жито Лукс
- 3 – 4 чешниња лук
- 60 г путер (омекнат) или 4 лажици маслиново масло (за посна верзија)
- прстофат сол
- ситно сечкан магдонос или оригано по желба.
Подготовка:
- Загреј ја рерната на 180°C.
- Лукот ситно исецкај го или изгмечи го.
- Во сад измешај го путерот (или маслиновото масло) со лукот, солта и зачините.
- Премачкај ги парчињата леб рамномерно од едната страна.
- Нареди ги на плех обложен со хартија за печење.
- Печи 10–15 минути, додека лепчињата не добијат златна боја и крцкава кора.
- Послужи ги додека се топли.
Совети плус:
- По желба, пред печењето можеш да додадеш рендан кашкавал или пармезан врз лепчињата.
- Белиот пченичен леб од Жито Лукс е идеален избор за вакви печени лепчиња, а по желба можеш да користиш и полубел или интегрален леб од истата линија.
- Лепчињата можеш да ги послужиш со лесна крем супа од печурки. Рецептот можеш да го прочиташ на линкот: Лесна крем супа од печурки – од кујната на Марија Кочовска.
Рецептот е овозможен од Жито Лукс.