Превкусни и едноставни за подготовка! Летни, сочни и свежи. Приготвив печени посни ролнички со фил од тиквички и моркови. Инспирација за овој рецепт ми беа Vegan Natura и готовите кори за цирага бурек, но, несакав да ги припремам со пржење. Одлучив да направам поздрава варијанта со печење и зеленчуци. Ви препорачувам да ги направите во прва прилика!
Рецепт без грешка! Ако сакате непогрешливо добар рецепт за кифлички, кој и еден почетник може да го погоди совршено, мора да ги пробате моите брзи памук кифлички! Идеално вкусни, лесни за подготовка и баш брзи! А, сега и во празнична варијанта на видеото подолу ви споделувам и како лесно да направите Велигденски зајачиња и да ги израдувате најмилите! – срдечно споделува Катерина Шамбевска Спасеновска уредник и фудблогер од нашиот тим.
„Во пресрет на Прочка, го споделувам мојот испробан рецепт за тегнет мазник со сирење. Ако имаш желба, сигурна сум дека моите детални инструкции ќе ти помогнат успешно да го направиш. За празник или некој семеен собир, ова традиционално јадење ќе ги израдува сите!“ – вели Катерина Шамбевска Спасеновска фудблогер и уредник од нашиот тим.
Василичарскиот мазник со паричка е наизбежен традиционален обичај во нашиот крај. Без разлика дали ќе бидете со друштво или во склоп на семејството, главниот оброк е Василичарскиот мазник со паричка, кој се дели на онолку делови колку што има луѓе на трпезата. Се верува дека на тој што ќе му се падни паричката ќе го следи среќа во текот на целата година. Па, во пресрет на овој празник ви споделуваме 3 проверени и испробани рецепти за Василичарски мазник од Катерина Шамбевска Спасеновска, уредник и фуд блогер од нашиот тим.
Уште еден неодолив и креативен рецепт! Нашата пријателка Емилија, активна членка во групата на Сѐ за храна, повторно нѐ изненади со одличен специјалитет. Пита со тиквички која мами со својот изглед, а сигурни сме и со својот вкус. Ако не знаете што да подготвите за појадок или вечера, ова е вистинскиот рецепт за вас.
Велигденска радост! Вчерашниот ден го посветив на козињаците, па се препуштив на креативноста и направив 3 различни форми и вкусови. Традиционален козињак, но печен во калап за куглоф, за во средина да може да се стават јајца. Милиброд со мојот препознатлив крем фил од афионово семе, а годинава го подобрив. Него го знаете веќе неколку години наназад и кој 100% ви препорачувам да го пробате, а третиот е чоколаден козињак. На син ми му се брзаше да проба, па ги раскршив уште топли од рерна и ви сликав најбрзо што можев. – срдечно споделува Катерина Шамбевска Спасеновска, фуд блогер и уредник на sezahrana.mk.
„Неверојатно е вкусна, а полесна погача немате направено! Сигурна сум дека ве интересира како постигнав да е превкусна, брза и лесна за подготовка, па топло препорачувам да го пробате мојот рецепт за Велигденска венец погача. Мека како памук и декорирана со желе бонбони, идеална за празничната трпеза!“ – срдечно споделува Катерина од нашиот тим и ви препорачува да ја пробате што поскоро нејзината лесна Велигденска погача.
Како да направите леб ако немате квасец? Катерина од нашиот тим ни сподели одличен рецепт за брз леб со сода од 4 состојки. Таа вели: „Лебот е превкусен сам од себе и e со крцкава кора кога е топол. Кога ќе се излади е малку влажен во текстурата споредено со обичен бел леб, па не мора да се чува во најлонска ќеса. Трае до неколку дена и не се расипува“.
