Ги обожавам брзите појадоци кои се здрави и вкусни. Така се роди идејата и за овој појадок. Ви припремив брза пита со леб, спанаќ и сирење.
Послужена со чаша јогурт е идеална за старт на денот. А за оние кои не обожаваат да месат, а се љубители на пити, овој рецепт е баш како за нив. Може да ја послужат како мезе за гости исечена на мали залчиња.
Состојки:
- 4 парчиња ‘ржан тост леб XL од Жито Лукс
- 100 г исчистен спанаќ
- 3 јајца
- 400 г изварка (урда)
- 100 г кашкавал
- 2-3 лажици млеко
- 1 тиквичка сечкана на кругови.
Подготовка:
- Спанаќот исечкајте го.
- Парчињата леб ставете ги во тава.
- Јајцата кратко изматете ги со жица за матење и додајте ја изварката. Кратко измешајте и додајте ги спанаќот и ⅔ од кашкавалот.
- Смесата ставете ја врз лебот. Наредете ги круговите тиквичка и поросете со преостанатиот кашкавал.
- Питата печете ја во загреана рерна на 200 степени околу 30 минути. Подготовката погледни ја на видеото. На здравје!
Совети плус:
- Питата може да ја направиш со омилениот тост леб од Жито Лукс – бел, интегрален, микс од зрна…
- Ако вежбаш, се храниш здраво или си на диета користи протеински тост леб од Жито Лукс за да направиш протеинска пита.
Препораки од авторот:
Разгледај повеќе рецепти на моите профили на социјалните мрежи и заследи ме:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Ти требаат идеја за пита со тост леб? – Разгледај го рецептот: Посна солена торта со леб – од кујната на Марија Кочовска.
*Рецептот е овозможен од Жито Лукс.