Домашен мазник со сирење – од кујната на Марија Кочовска • Сè за храна

Василичарскиот домашен мазник со паричка со генерации е симбол на заедништво и добра среќа во нашиот крај. Тој секогаш го зазема централното место на празничната трпеза, каде што се дели рамноправно меѓу сите присутни. Според народното верување, оној што ќе ја пронајде паричката ќе има здравје, радост и бериќет во текот на целата година.

Во пресрет на Василица, го споделувам мојот испробан рецепт за тегнет мазник со сирење – крцкав однадвор, а мек и сочен одвнатре.

Состојки:

450 г Екстра бело брашно од Жито Лукс
40 мл масло
1 мала лажичка сол
Млака вода по потреба (околу 2 чаши)
200 г сирење.

Подготовка:

Брашното пресејте го во сад за месење. Додајте сол, масло и постепено додавајте млака вода, па замесете меко тесто.
Тестото поделете го на 3 дела и оформете топчиња. Со помош на сукало развлечете мали кори, премачкајте ги со масло и оставете ги во намрсен плех, покриени со најлонска фолија, да одморат околу 20 минути.
На чаршав истегнете тенка кора, отстранете ги подебелите краеви, попрскајте со масло и нанесете сирење. Со помош на чаршавот свиткајте ролна. Првата кора оформете ја во спирала и ставете ја во намрсена тава (бр. 26).
Постапката повторете ја со сите кори, редејќи ги во продолжение на претходната. На крај попрскајте со масло и печете на 250°C околу 20–25 минути.
Печениот мазник покријте го со крпа, оставете кратко да се излади, исечете и послужете. Подготовката погледнете ја на видеото. На здравје!

Купи брашно и учествувај во наградната игра!

Купи најмалку 1 кг Жито Лукс брашно, палента или гриз (или комбинација од овие производи) и учествувај во извлекувањата за вкупно 225 награди!

Како да учествуваш?

Купи најмалку 1 кг Жито Лукс брашно, палента или гриз
Испрати СМС порака на бројот 149449 со: бројот на фискалната сметка, датумот и времето на купување

Пример: #0258 01.12 15:25

Задолжително чувајте ја фискалната сметка!