Брзи мафини со чоколадни трошки • Сè за храна

Креирано специјално за вас, во кујната на Сѐ за храна! Фантастични на лик, а уште повеќе на вкус. Топло препорачуваме да го пробате нашиот најнов рецепт за брзи мафини со чоколадни трошки. Се топат во уста!

Од избрани состојки! – Време е за нешто слатко и многу вкусно кое ќе го воодушеви целото семејство.

Состојки:

3 јајца
3 лажици млеко
3 лажици шеќер
3 лажици Брилијант масло
1 лажиче афионово семе
1 ќесичка ванилин шеќер од Витаминка
6 полни лажици пире од печена тиква (за замена може пире од варена тиква или мармалад од портокал од Витаминка)
1/2 чаша бело брашно
1/2 чаша пченкарно брашно
1 лажиче прашок за печиво од Витаминка
1/2 лажиче сода бикарбона без алуминиум од Витаминка
прстофат сол
100 грама чоколадни трошки (20-30 грама се оставаат за декорација).

Подготовка:

Во сад се матат јајцата со виљушка, а потоа се додаваат млекото и маслото.
Потоа се додава претходно припременото пире од печена тиква (ако немате за замена слободно користете го погоре предложениот мармалад од портокал, испробано е вкусно). Измешајте.
Во друг сад измешајте ги сувите состојки – шеќерот и ванилиниот шеќер, прашокот за печиво, содата бикарбона без алуминиум, афионовото семе, белото и пченкарното брашно, солта и чоколадните трошки.
Промешајте за да се изедначи смесата од сувите состојки, а потоа постепено со мешање, додајте ја во садот со течните состојки.
Добро измешајте за смесата да биде убаво изедначена.
Смесата распределете ја во калап за мафини со 12 вдлабнатини. Доколку печите во силиконски калап, како што е во случајов, нема потреба од дополнително намрсување. Ако пак печите во тефлонски калап, може да намрсите со малку путер или маргарин, или да користите хартиени корпички по желба.
Печете во загреана рерна на 200 степени, а штом го ставите калапот за мафините внатре, намалете ја температурата на 180 степени и печете 20 минути. Уживајте во светот на вкусовите со Витаминка!

Препорака од авторот:

„Од мене може да очекувате супер вкусни рецепти со едноставна и често пати брза подготовка. Обожавам да смислувам и креирам нови вкусови во кујната и да ги пренесувам преку фотографии кои „раскажуваат“. Така, во еден момент на креативност, посакав, вообичаениот вкус на печена тиква да го претворам во нешто интересно со сосема нов облик и на мое задоволство, ги воодушевив домашните. Ние ги уживавме како појадок, со кафе или млеко за прилог, секој по свој вкус. Прекрасни беа за изглед, а уште поубави кога ќе се почувствува нивната мекост во секое залче. Фантазија од вкусни сензации! Полесно здравје, совршено ќе ги направат и најмалку искусните во кујната!

Ако ги направите, ве поканувам да ги споделите во групата на Сѐ за храна, а ако имате дополнителни прашања или сакате да ги споделам на моето стори, тагирајте ме или испратете ми ги во порака. Обожавам да готвам, а љубовта кон фотографијата потполно ја надополнува мојата желба да ви ги пренесам моите искуства и совети. Чест ми е кога ве инспирирам, па за многу повеќе рецепти и убави фотографии следете ме на моите профили Катерина Шамбевска Спасеновска на Instagram или Facebook.“ – вели Катерина.