Рецепт без грешка! Ако сакате непогрешливо добар рецепт за кифлички, кој и еден почетник може да го погоди совршено, мора да ги пробате моите брзи памук кифлички! Идеално вкусни, лесни за подготовка и баш брзи! А, сега и во празнична варијанта на видеото подолу ви споделувам и како лесно да направите Велигденски зајачиња и да ги израдувате најмилите! – срдечно споделува Катерина Шамбевска Спасеновска уредник и фудблогер од нашиот тим.
По потреба може да ги замрзните, воопшто не губат на квалитет. Единствено правило кое треба да го запазите за да бидат совршено меки и по одмрзнувањето е да ги оставите да се одмрзнат природно на собна температура. А како совет плус, препорачувам да ги замрзнете потполно изладени и во затворен сад со капак. Вкусната магија ќе се задржи целосно! – вели Катерина, а за повеќе интересни рецепти од неа, погледнете го нејзиниот Инстаграм профил @katerina.shambevska.
Состојки:
- 2 кесички сув квасец
- 3-4 лажички шеќер
- 1 и 1/2 лажиче сол
- 1 кг Екстра бело брашно од Жито Лукс
- 250 мл млака вода
- 250 мл масло
- 250 мл млако млеко.
За премачкување и додатоци:
- 1-2 јајца
- сусам по потреба или други додатоци по желба.
Подготовка:
- Во сад се ставаат прво сите суви состојки, се мешаат, а потоа се додаваат течните. Квасецот е доволно да се стопи, не мора да се чека да нарасне.
- Се меси добро, додека се оформи меко тесто. Исто, не мора да се чека да нарасне.
- Се дели на 2 дела и се расукува или оформува по желба. Во случајов, едниот дел го направив кифлички со стандардна форма, а другиот дел инспирирана од Велигден го претворив во вкусни зајачиња, чие оформување препорачувам да го погледнете на видеото подолу.
- За кифлички со стандардна форма се зема еден дел од тестото, се расукува и се сече. Прво се дели на 4 накрсно, а потоа секое парче се сече на уште 3 до 4 дела зависно од посакуваната големина на кифличките. Кифличките се оформуваат веднаш, а важно е да нараснат пред печење (но, да не се премачкани со јајце).
- Откако убаво нараснале и се меки на допир, се премачкуваат со изматено јајце и се поросуваат со сусам.
- Се печат во загреана рерна на 250 степени, 10 до 12 минути или додека добијат кафеаво златна боја. Јас ги печам на хартија, а ќе добиете 2 плеха кифлички (32 средно големи кифлички ако се сите со стандардна форма или 16 кифлички и 8 -10 зајачиња, зависно од големината). На крај, покријте ги со кујнска крпа и на здравје!
Совети плус:
- Сувиот квасец може да се замени со 1-2 коцки квасец.
- Замесеното тесто може да се подели на 4 дела и да добиете 64 помали кифлиња.
- Одозгора на кифлињата може да ставите ким, афионово семе, оригано или друг зачин по желба наместо сусам.
- Тестото е одлично за кифлички во разни форми, испробано ми е. Слободно експериментирајте.
- За повеќе испробани рецепти разгледај ги моите профили и заследи ме: Instagram – @katerina.shambevska и Facebook – Katerina Sambevska Spasenovska.
А знаеш дека може да освоиш и подарок од Жито Лукс? Направи го твојот омилен рецепт со брашно од Жито Лукс и приклучи се во дарувањето кое трае до 18.04.2023. Кликни на линковите и учествувај:
- Facebook: https://www.facebook.com/sezahrana/posts/600451925437748
- Instagram: https://www.instagram.com/p/Cqpi13zsQl2/
Автор на рецепт и фотографии: Катерина Шамбевска Спасеновска, @katerina.shambevska.
Ви препорачуваме да прочитате: Совети и препораки за најдобар велигденски козињак (милиброд).
*Рецептот е овозможен од Жито Лукс.