Брз ролат со тиква 1

Брз ролат со тиква

Есенско зимските месеци се идеално време за разни специјалитети со тиква. Некои од нас можеби пробале, а знаеме дека многу од нас не би се сетиле за вака интересен рецепт. Направете си домашен и брз ролат со тиква, превкусен е!

Како и многу други одлични и испробани рецепти, овој вкусен десерт ни доаѓа од кујната и блогот на нашата пријателка Лана, од блогот Kuhinjica Mignone. Еве како да го направите.

Брз ролат со тиква 2

Состојки:

  • 100 гр брашно
  • 2 лажички цимет
  • 1 лажичка прашок за печиво
  • прстофат сол
  • малку мускантно оревче
  • 3 јајца
  • 150 гр шеќер
  • 150 гр пасирана тиква
  • 150 гр сечкани ореви.

За фил:

  • 200 мл слатка павлака
  • 200 мл кисела павлака
  • 2 лажици шеќер во прав.

Подготовка:

  1. Измешајте го брашното со прашокот за печиво, циметот и мускантното оревче.
  2. Јајцата изматете ги пенесто со шеќерот, па во садот додајте ја тиквата и претходно измешаното брашно со зачините. Измешајте.
  3. Смесата турете ја во плех обложен со хартија за печење и посипете со сечканите ореви.
  4. Печете на 180 степени околу 20 минути.
  5. Извадете ја печената кора од рерната. Префрлете ја врз влажна крпа и завиткајте ролат. Оставете да се излади.
  6. Изматете ја слатката павлака во цврст снег и додајте шеќер по вкус.
  7. Внимателно измешајте ја киселата павлака за добро да се соедине филот.
  8. Кога кората за ролат е потполно изладена, одвиткајте ја.
  9. Премачкајте ја со филот и завиткајте го ролатот. На крај, посипете со шеќер во прав и послужете.

Ви препорачуваме да прочитате: Сочен куглоф со тиква и портокали.

Сподели: