Меки, сочни и неверојатно вкусни! Го споделувам мојот рецепт за подготовка на кременадли во сос од печурки.
Брзи и едноставни за подготовка – ќе го освојат сечиј вкус, а крајниот резултат, верувајте, ќе ве воодушеви. Би рекла: специјалитет исто како од врвните ресторани.

Состојки:
- 2 свински кременадли со или без коска од Агриа
- Сол
- Мелен црн пипер
- 1 до 2 лажици масло
За кремаст сос од печурки:
- 1 лажица путер
- 7-8 шампињони
- 300 мл павлака за готвење
- Сол по вкус
- 2 лажици свеж сечкан магдонос.

Подготовка:
- Шампињоните исечкајте ги на листови.
- Кременадлите зачинете ги со сол и црн пипер.
- Во тава на средна температура загрејте го маслото.
- Ставете ги кременадлите и пржете ги околу 5–6 минути од секоја страна, додека поруменат. Извадете ги од тавата.
- Во истата тава додајте го путерот. Кога ќе се растопи, додадете ги сечканите печурки и пропржете ги околу 3–4 минути.
- Додајте ја павлаката за готвење и измешајте. Вратете ги кременадлите во тавата. Оставете сосот да проврие 5–8 минути, додека се згусти. Посолете по вкус.
- Тргнете ја тавата од оган и по желба зачинете со свеж магдонос.
Кременадлите во сос од печурки послужете ги со прилог од компири. Подготовката погледни ја на видеото. На здравје!
Совети плус:
- За подготовката користев свежи свински кременадли од Агриа. Посети ги нивните месарници Велес, Битола и Штип. Свинското месо од Агриа, може да го набавиш во Тинекс, Рамстор и Кит-Го маркетите.
- Времето на пржење на кременадлите зависи од нивната дебелина – ако се подебели, пржете ги подолго и оставете ги подолго да покрчкаат во сосот.

Ти се допадна овој рецепт? Посети ги моите профили и заследи ме:
- Instagram – @kocovska.marija
- Facebook – Marija Kocovska
- YouTube – Marija Kocovska
- TikTok – @marija.kochovska.
Може да те интересира: Брз рецепт за свински шницли – од кујната на Марија Кочовска.
*Рецептот е овозможен од Агриа.
