Свински шницли

Брз рецепт за свински шницли – од кујната на Марија Кочовска

Што да се зготви за ручек или вечера? Да биде брзо, вкусно и да им се допадне на сите? – Си ги поставуваш ли овие прашања? Имам супер предлог! Направи свински шницли!

Толку едноставни за подготовка, а толку вкусни! Ова јадење е дел од мојата колекција на брзи летни рецепти.

Свински шницли

Состојки:

  • 400 г до 800 г свински бут од Агриа
  • Сол и мелен црн пипер
  • ½ чаша брашно
  • 1 чаша лебни трошки
  • 2 јајца
  • Масло по потреба.
Свински шницли

Подготовка:

  1. Месото исечете го на тенки шницли со дебелина околу 6-7 мм.
  2. На работната површина ставете најлонска фолија, па врз неа парче месо, и покријте го со уште едно парче фолија.
  3. Благо исчукајте со кујнски чекан – треба да добиете парчиња месо со дебелина од 4–6 мм.
  4. Зачинете ги со сол и мелен црн пипер.
  5. Јајцата ставете ги во длабок сад, посолете ги и изматете ги со жица за матење.
  6. Во други две плитки чинии ставете ги брашното и лебните трошки.
  7. Секоја шницла најпрво извалкајте ја во брашно, потоа потопете ја во јајца, и на крај кратко извалкајте ја во лебни трошки. Не ги притискајте со прсти за да не се оштети обвивката.
  8. Во тава на оган, на средно висока температура, ставете поголема количина масло да се загрее.
  9. Похуваните шницли пржете ги во загреаното масло околу 2–3 минути од секоја страна, или додека не поруменат.
  10. Повремено затресувајте ја тавата за да не се залепат, но не ги боцкајте со виљушка – користете фаќалка за да не се оштети површинскиот слој.
  11. Печените шницли извадете ги врз хартиена салфетка за да се впие вишокот масло.
  12. Послужете ги со парчиња лимон и зелена салата. Подготовката погледни ја на видеото. На здравје!

Совети плус:

  • Секогаш внимавам какво месо користам во моите рецепти. За шницлите од овој рецепт користев свеж свински бут од Агриа. Ако сакаш да направиш совршени, меки и сочни шницли, избери свежо домашно месо од Агриа – кое е достапно во нивните месарници Велес, Битола и Штип. Свинското месо од Агриа, може да го набавиш во Тинекс, Кит-Го и Рамстор маркетите.
  • Свинските шницли можеш да ги направиш и со печење во рерна или на скара. Во тој случај, избери свински врат.
Свински шницли Агриа

Ти се допадна овој рецепт? Посети ги моите профили и заследи ме:

Може да те интересира: Компир манџа со чадено месо – од кујната на Марија Кочовска.

*Рецептот е овозможен од Агриа.

Сподели: