Печурките се едни од нашите омилени намирници, па често ги користиме за подготовка на убави јадења за неизмерно уживање со семејството и пријателите! Овој пат избравме да ги пробаме новите свежи кафеави печурки на Бонум, а за тоа имаме повеќе причини! Пред сѐ, кафеавите шампињони се поцврсти од белите и имаат убава форма која се задржува и во конечниот изглед ако ги подготвите во некој убав специјалитет. Нивните карактеристики ги прават да се потрајни во споредба со белите, па решивме што почесто да ги користиме во исхраната. Откако ги дознавме овие нешта, се роди идејата за овој вкусен рецепт, кој совршено може да се вклопи на велигденската трпеза. Пробајте ги нашите кафеави полнети печурки со изварка и спанаќ!
Вкусни, здрави, богати со витамини и минерали! Вака можеме да ги опишеме печурките кои се исклучително хранлива намирница. Тие се користат како храна и лек илјадници години наназад. Изобилуваат со корисни состојки за организмот, па препорачуваме често да се најдат на вашето мени. А дали знаете како правилно да изберете свежи и маринирани печурки, како да ги чувате за да го зачувате нивниот квалитет? И што е најважно, ви откриваме и неколку важни совети за подготовка на печурките, со кои ќе станете вистински експерт за вкусни јадења!
За сите обожаватели на тестенините имаме едно ново гастрономско уживање кое ни доаѓа од прекрасната кујна на Лидија. Комбинацијата на тестенини со пилешко месо, печурки и павлака нас од секогаш ни била омилена. Кремастата текстура и богатиот вкус на ваквите јадења се вистинско уживање за сите сетила. Па, сигурни сме дека ќе го обожаваме и овој рецепт за тестенини во кремаст сос со пилешко месо, домати и печурки.
Кога станува збор за зеленчукот и овошјето, генерално важи правилото колку е потемна бојата, толку се похранливи. Но, шампињоните го кршат ова правило! Тие имаат бела боја и изобилуваат со хранливи состојки. Нивната текстура одлично се вклопува во разни јадења, а благодарение на нивната ниска калориска вредност, која изнесува само 21 калорија во една чаша шампињони, може да ги јадете без да се грижите за вашата линија и здравјето. Вклучете ги во јадењата и искористете ги здравствените придобивки од печурките, кои се бројни и доаѓаат од нивните хранливи состојки.
Посните јадења и печива често се приготвуваат, па секогаш се добредојдени нови предлози за рецепти. А нам најомилени ни се посните кифлички кои се приготвени со фил. Филот може да се направи на различни начини, со печурки, спанаќ, маслинки, кисели краставички… Сепак, важно е да се погоди рецептот за да немате грижи дали јадењето ќе испадне добро или не. За да ви го олесниме изборот, направивме листа на нашите најдобри 8 рецепти за посни кифлички, пирошки и пици со печурки. Печурките ги обожаваме, па еве кои се нашите предлог рецепти.
Шампињоните се најлесно достапни од сите видови на печурки. Се користат во чорби, специјалитети со месо, пици, салати и каде ли уште не. Тие се особено корисни за нашето здравје, а акцентот за нивното позитивно влијание е на имунитетот. Во таа насока, ви предлагаме да ја пробате оваа салата со маринирани шампињони, која може да ја консумирате во зимскиот период и да си го подобрите вашето здравје во целост.
На планетава има околу 140.000 видови различни врсти на печурки, но науката е запознаена само со еден мал нивен процент. Благодарение на печурките, откриен е и пеницилиумот. Заедничко за сите печурки е тоа што тие го зајакнуваат нашиот имунитет, иако, тоа во најголема мера важи само за органски одгледаните печурки.