Кремаста, брза и превкусна! Оваа крем салата со јајца, кисели краставички и печурки е идеална за појадок со кроасан или парче леб, а супер се вклопува и како додаток на ручекот во комбинација со парче месо печено на скара.
Нискокалорична е (350 калории), вегетаријанска, не содржи глутен и богата со протеини (26 г). Супер избор за целото семејство!

Состојки:
- 4 варени јајца
- 4 GreenDeli кисели краставички
- 40 г GreenDeli маринирани шампињони
- 2 лажички посен мајонез
- 1 лажичка сенф
- 1 лажица од течноста на киселите краставички
- сол и црн пипер по вкус.
По желба:
- Мајчина душица за декорација.
- Кроасани или парче леб.
- Зелена салата (рукола, спанаќ, марула…).

Подготовка:
- Варените јајца оставете ги кратко време да се изладат, а потоа излупете ги и исечкајте ги на коцки. Ставете ги во длабок сад.
- Киселите краставички и маринираните шампињони исечкајте ги на коцки. Додајте ги во садот со јајцата.
- Додајте и мајонез, сенфот и течноста од киселите краставички. Измешајте ги за да добиете хомогена смеса. Зачинете со сол и мелен црн пипер по вкус.
- Готовата крем салата со јајца, кисели краставички и шампињони послужете ја со кроасани и зелена салата по желба. Подготовката погледни ја на видеото. На здравје!
Препорака од авторот:
- Посниот мајонез можеш да го замениш со грчки јогурт или авокадо.
- Разгледај повеќе рецепти и заследиме на:
- Instagram – @kocovska.marija
- Facebook – Marija Kocovska
- Youtube – Marija Kocovska
- Tik Tok – @marija.kochovska.
Дали знаеш дека?
GreenDeli е најнова и најсовремена фабрика за конзервна индустрија во Македонија? Произведуваат ајвар, корнишони, маринирани шампињони, мешани салати, џемови…
Заследи ги GreenDeli на:

Може да те интересира: Посно медено срце без масло – од кујната на Марија Кочовска.
Рецептот е овозможен од GreenDeli.
