Го прифаќате ли предизвикот за одличен ручек? Ако вашиот одговор е да, тогаш ви е потребно малку време, малку труд и многу желба за уживање во превкусните вегетаријански лазањи, а може да ги јадат и љубителите на посни јадења. Вкусот е богат и свеж!
Состојки:
- 12 кори за лазањи
- 1 главица кромид
- 2 тиквички со средна големина
- 500 гр домати
- 1 лажица шеќер
- ситно исечкан свеж босилек (за замена може и сув)
- маслиново масло
- 100 грама семки од сончоглед
- 100 грама семки од тиква
- неколку парчиња црвени шери домати
- шери домати по желба
- сол и црн пипер по вкус.
Подготовка:
- Исечкајте го кромидот и пропржете го во тава со врело масло.
- Излупете ги доматите и додадете ги во кромидот. Мешајте се додека не добиете салса, која мора да биде воденеста, а потоа додадете ги шеќерот, солта, црниот пипер и босилекот.
- Тиквичките измијте ги и исечкајте ги на текни кругови.
- Тавата премачкајте ја со масло и на дното наредете ги корите за лазањи, а потоа премачкајте со сосот од домати и наредете ги тиквичките. Постапката повторете ја по истиот редослед, ред лазањи, доматен сос и тиквички. Последна кора од лазања премачкајте ја само со доматен сок и посипете со семки.
- Загрејте ја рерната на 180°C и печете 20 минути.
- Доколку ставате шери домати, добро измијте ги и пресечете ги на половина, па извадете ги лазањите од рерна и наредете ги. Повторно вратете ги лазањите во рерна и печете ги уште 10 минути.
Уживајте во богатиот вкус на зеленчукот и на здравје!