Пробајте ги нашите вкусни и хранливи ќофтиња од праз и компир! Ќе ви го збогатат менито! А, совршената текстура која ја дава комбинацијата на состојки и неодоливата арома на пржен праз ги прават дури и повкусни од оние со месо. Може да ги послужите како лесен појадок или за ручек со некој посен прилог и салата.
Обожаваме брзи и лесни рецепти кои нѐ држат сити, а при тоа се и здрави за целото семејство. Овие ќофтиња со праз се полн погодок и вистински избор, не само за оние кои се на вегетаријанска исхрана, туку за сите.
Состојки:
- 2 страка праз
- 1 средно голем компир
- 5 лажици Брилијант масло
- сол и црн бибер по вкус
- мешан сув зачин Дафинка по вкус
- 1 јајце
- 50 мл вода
- 2 лажици лебни трошки
- брашно по потреба
- масло за пржење по потреба.
Подготовка:
- Компирот измијте го, излупете го и ставете го да се вари. Во меѓувреме исчистете го празот и ситно исечкајте го. Користете го само белиот дел од него. За да си ја олесните работата, по желба може да користите кујнски сечко.
- Во сад за готвење загрејте ги петте лажици масло и додајте го сечканиот праз.
- Додајте половина лажичка сол и кратко пропржете на средна температура со постојано мешање.
- Потоа додајте малку вода и динстувајте додека празот целосно омекне. Омекнатиот праз оставете го да се излади.
- Варениот компир изгмечете го со виљушка како пире и во него додајте ги празот, јајцето, лебните трошки, црниот бибер и мешаниот сув зачин по вкус. По потреба додајте и сол.
- Смесата добро измешајте ја и распоредете ја на набрашнета работна површина.
- Со помош на рацете обликувајте ќофтиња со големина по желба.
- Ќофтињата пржете ги на малку загреано масло од двете страни додека поруменат. Праз послужете ги додека се топли. На здравје!
Ви препорачуваме да прочитате: Веге бургери со тиквичка.
Следете ја sezahrana.mk и на Instagram и Pinterest.
*Спонзориран рецепт.