Витаминот Е припаѓа на групата витамини растворливи во масти. Тој е антиоксиданс и има улога да ги превенира оштетувањата на клетките во телото, а може да се најде во различна храна, масти и масла. Антиоксидансите го штитат организмот од појава на сериозни заболувања како што се срцевите болести и канцер.
Витаминот Е може да се најде во осум хемиски форми:
- Алфа, бета, гама и делта токоферол
- Алфа, бета, гама и делта токотриенол
Зошто е важен витаминот Е?
Витаминот Е му помага на телото во создавањето на црвени крвни клетки, овозможува подобро искористување на витаминот К, го зајакнува имунолошкиот систем и помага во отстранувањето на респираторните проблеми. Исто така, тој е значаен витамин кој му помага на телото во борбата со канцерогените и срцевите заболувања и инфекциите. Една од функциите на витаминот Е е да го регулира нивото на витаминот А во телото.
Витаминот Е има улога при превенција и/или третман на следните здравствени состојби:
- Акни
- Алцхајмерова болест
- Ангина пекторис
- Астма
- Атеросклероза
- Канцер на градите
- Дијабетес
- Епилепсија
- Неплодност (кај мажите)
- Воспалувања на мочниот меур
- Менопауза
- Мигрени
- Мултиплекс склероза
- Канцер на очите
- Остеоартритис
- Паркинсова болест
- ПМС
- Реуматичен артрит
- Катаракта
- Мозочен удар
- Вагинитис
Симптоми при недостиг на витамин Е
Недостаток од витамин Е се јавува кај луѓе кои што не можат да ги апсорбираат мастите во соодветни количини. Симптомите од недостаток Е се следните:
- Слабост на мускулите
- Загуба на мускулната маса
- Абнормални движења на очите
- Проблеми со видот
- Нестабилно движење
Доколку недостаток трае подолго време, може да доведе до проблеми со црниот дроб и бубрезите.
Храна богата со витамин Е
Витаминот Е најмногу се среќава во пченичните никулци, црниот дроб, јајцата, јаткаситите плодови како бадеми, лешници, ореви, семки од сончоглед, ладно цедените масла (маслиново, пченкарно и масло од соја), зеленчуците со зелени лисја (спанаќ), слаткиот компир и авокадото.