лимонада со праски 1

Детокс лимонада со праски и чај

Освежува, го детоксицира телото и е прав еликсир за летниот период! Токму вака можеме да ја опишеме вкусната детокс лимонада со праски и зелен чај која ја подготвивме во нашата кујна.

Чајот ги отстранува поткожните маснотии со што се оптимизира работата на лимфната жлезда, ја намалува надуеноста на телото и го нормализира прекумерното лачење на маснотии во кожата. Полифенолоите и катехинот од зелениот чај ефикасно ќе ги отстранат токсините од вашиот организам. Кога токсините се елиминирани, метаболизмот се забрзува и организмот може ефикасно да ги согорува масните наслаги. Во комбинација со лимонот и праските, се добива освежителен детокс пијалак со многу добар вкус. Па, драги пријатели пробајте ја оваа лимонада од која може да ги почестите и пријателите.

лимонада со праски 2

Состојки:

  • 1 ќесичка зелен чај
  • 500 мл вода
  • 1 лимон
  • коцки мраз
  • лимон и праска за декорација

За сируп од праски:

  • 1 праска
  • 200 мл вода
  • стевија, мед или друг засладувач по желба.

Подготовка:

  1. Во тенџере на оган ставете ја водата да се вари. Пред да зоврие тргнете го тенџерето од огнот и ставете ја ќесичката зелен чај. Оставете ја за време од 5 минути.
  2. Потоа ќесичката тргнете ја и оставете чајот да се излади.
  3. Праската излупете ја, отстранете ја семката и исечете ја на помали парчиња.
  4. Во тенџере на оган ставете ги парчињата праска и додајте ја водата. Засладете со стевија или друг засладувач по желба. Штом водата зоврие, тенџерето тргнете го од огнот, покријте со капак и оставете да се излади за време од 1 час.
  5. Варената праска заедно со течноста ставете ја во блендер. Миксирајте додека добите хомогена смеса.
  6. Лимонот исцедете го. Сокот од лимон додајте го во чајот и измешајте.
  7. Другиот лимон исечете го на кругови. Праската исечете ја кришки.
  8. Во чаша ставете неколку коцки мраз и додајте ги парчињата лимон и сечената праска. Додајте од 1/3 од чаша од сирупот со праски. Потоа дополнете со изладениот зелен чај со лимон.
  9. Освежителната детокс лимонада послужете ја веднаш. На здравје!

Ви предлагаме да прочитате: Ладен чај за забрзување на метаболизмот и слабеење.

Следете ја sezahrana.mk и на Instagram и Pinterest.

Сподели: