Доколку не сте поборник за купување на спреј против комарци кој може да содржи бројни вештачки состојки, заштитата за вас и за вашето семејство направете ја сами. Направете си домашен спреј против комарци од потполно природни состојки!
Ви претставуваме рецепт за овој спреј кој е готов за многу кратко време. Убаво мириса и не и штети на кожата, а што е најважно навистина делува успешно.
Состојки:
- 30 капки есенцијално масло од чајно дрво
- 10 капки есенцијално масло од здравец
- 5 до 10 капки есенцијално масло од лимон, лимонова трева, рузмарин или лаванда
- 1 лажица глицеринска маст (по желба)
- дестилирана вода
- шише со прскалка (максимум 200 мл).
Подготовка и употреба:
- Со топла вода убаво измијте го шишето со прскалка.
- Во него, ставете ги етеричните масла од чајното дрво, здравец и другите масла.
- Додадете го глицеринот и наполнете го шишето со вода скоро до врвот.
- Протресете го шишето и добро промешајте ги состојките пред употреба.
- Спрејот ставете го во вашата чанта и прскајте ја кожата на телото секогаш кога ќе имате потреба.
Совет плус:
- Наместо есенцијално масло, можете да го користите и маслото од лимон или еукалиптус.
- Глицеринот ја храни и ја заштитува кожата од иритација, но ако не го сакате, отстранете го од состојките за подготовка.
Ви препорачуваме да прочитате: 5 домашни начини да се справите со комарци и инсекти.