Smash burger

Smash бургер — од кујната на Марија Кочовска 

Времето е идеално за вечерни дружби со пријателите и семејството. А она што ги прави дружбите уште подобри се летните вкусни мезиња и тематските вечери. Обожавам да готвам и го прифаќам секој предизвик од најблиските. Овој пат го испробав рецептот за Smash бургер, кој е неверојатно вкусен!

Во последно време овој бургер е тренд на социјалните мрежи, па тоа ми беше инспирација да го приготвам дома. Тајната се крие во начинот на приготвување на плескавиците, па затоа погледнете го и мојот видеорецепт за повеќе детали!

Smash бургер

Состојки за 4 бургери:

  • 400 г мелено јунешко месо 
  • Сол и мелен црн пипер
  • 4 листови кашкавал
  • 4 Jaus лепчиња за хамбургери
  • 1 домат 
  • 1 главица црвен кромид
  • 4 листови марула
  • 2 кисели краставички. 

За бургер сос:

  • 8 лажици кечап
  • 2 лажици мајонез
  • 2 лажици сенф
  • 1 мала лажичка кромид во прав
  • 2 рендани кисели краставички.
Смеш бургер

Подготовка:

  1. Меленото месо зачинете го со сол и мелен црн пипер. Поделете го на 4 дела и оформете топчиња. Ставете ги во фрижидер додека ги подготвувате останатите состојки.
  2. Доматот, кромидот и киселите краставички исечкајте ги на кругови.
  3. Загрејте нелеплива тава на силен оган. Ставете едно топче месо во тавата, покријте го со хартија за печење и притиснете го со преса или тежок предмет за да формирате плескавица. Печете 3 до 4 минути од едната страна, потоа превртете и печете уште 2 до 3 минути. На крајот ставете лист кашкавал врз секоја плескавица.
  4. Плескавиците извадете ги од тавата. Кратко потпечете ги лепчињата од внатрешната страна.
  5. Во длабок сад пригответе го бургер сосот. Ставете ги сите состојки и измешајте ги.
  6. На долната половина од лепчето ставете 1 лажица сос, па додајте марула, домат, кромид, плескавица и кисели краставички. По желба додајте парче домат и марула. На горната половина ставете уште 1 лажица бургер сос и поклопете.
  7. Послужете со помфрит по желба. Погледни ја подготовката на видеото. На здравје!

Препораки:

За подготовката на бугерите користев Jaus лепчиња. Избери ги твоите омилени лепчиња за хамбургери – класични, со сусам, бриош или мега лепчињата наменети за љубителите на големи сендвичи. Заследи ги на Instagram @jaus.mk и погледни ја целата палета на производи.

Разгледај повеќе рецепти и следи ме на:

Може да те интересира: Крем салата со јајца, кисели краставички и печурки – од кујната на Марија Кочовска.

Рецептот е овозможен од Jaus.

Сподели: