Купечките отстранувачи на дамки од алиштата понекогаш може да предизвикаат иритации и црвенила на кожата, како резултат на состојките кои ги содржат. Доволно е само да ја прочитате нивната декларација и се ќе ви стане јасно. Па, поради тоа кај многу лица може да се јави алергиска реакција на ваквите средства. Како би реагирале ако ви кажеме дека може сами да си подготвите домашно и ефикасно средство за отстранување на дамки од алишта?
За таа цел решивме да побараме идеи за вакво средство кое ќе може да се направи дома, а притоа ќе биде ефикасно како и купечките. Во продолжение прочитајте ја постапката за подготовка на домашното средство за отстранување на дамки од алиштата и ткаенините.
Домашно средство за отстранување на дамки од алишта и ткаенини
Состојки:
- 1½ чаша вода
- ¼ чаша течен сапун
- ¼ чаша глицерин
- 2 лажици сода бикарбона
- 10-15 капки етерично масло по желба.
Подготовка и начин на употреба:
- Водата, течниот сапун, глицеринот, содата бикарбона и етеричното масло измешајте ги додека добиете хомогена смеса.
- Вака подготвеното средство ставете го во шише со прскалка.
- Средството испрскајте го на дамката и оставете го да делува 10-30 минути.
- Потоа исперете ги алиштата или ткаенината на стандарден начин.
Совет плус: Природните средства се подеднакво функционални како и купечките само им е потребно малку повеќе време за да го постигнат истиот ефект.
Ви препорачуваме да прочитате: Со природни намирници до чисти и бели алишта.