Мирисот на компир манџа со колбаси секогаш нѐ враќа во детсвото. Затоа споделуваме традиционален рецепт за манџа каква што ни подготвуваа нашите мајки. Ако и вас ве фати носталгија за тие убави времиња, кога низ целиот дом се ширеше убав мирис, набавете си квалитетни намирници и оваа зима стоплете се со домашно подготвена манџа богата со здрави зеленчуци.
Манџите претставуваат совршен начин да вметнете многу зеленчук во менито на вашите најмили. А овој рецепт за манџа без запршка веруваме дека ќе се најде во листата на омилени рецепти.
Состојки:
- 1 кг компири
- 1 главица кромид
- 3 чешниња лук
- 4 колбаси од Агриа (домашени или селски по избор)
- 2 моркови
- 50 г грашок
- малку сечкан целер
- сечкан свеж магдонос по вкус
- 2 лажици доматно пире
- 1 лажица мелен црвен пипер
- 1 лажичка мешан сув зачин
- црн пипер по вкус
- 4 лажици масло.
Подготовка:
- Колбасите исечете ги на крукчиња. Може и да ги оставите и цели по желба.
- Компирите излупете ги и исечете ги на коцки.
- Лукот и кромидот исчистете ги од лушпите и заедно со целерот и морковите исечкајте ги на ситни коцки.
- Во тенџере на загреано масло кратко запржете ги колбасите, па додајте ги исечканите кромид, лук, целер и моркови. Кратко пропржете и додајте ги грашкот и сечканите компири. На крај додајте го доматното пире и црвениот пипер. Зеленчукот прелијте го со вода во висина од 3 – 5 см над состојките.
- Манџата варете ја на тивок оган околу 45 минути додека омекнат компирите. Во текот на готвењето по желба може да додавате малку вода.
- На крај манџата зачинете ја со свеж магдонос, мешан сув зачин, црн пипер. Варете уште 2-3 минути.
- Готовата манџа послужете ја додека е топла и декорирајте ја со свеж босилек и сечкан млад кромид. На здравје!
Наша препорака:
Која е тајната за највкусната манџа? – Посветеното време, љубов и квалитетните намирници. Секогаш кога имате прилика купувајте домашни, локални производи. Набавете зеленчук од кај познат одгледувач и изберете домашни, македонски колбаси од Агриа. Ексклузивно во месарниците на Агриа (Велес, Битола и Штип) се достапни различни типови на колбаси од нивно производство. Изборот е голем, а може да се најдат скараџиски, селски, домашни, барени колбаси како и различни месни преработки.
Кој е вашиот најдобар рецепт за компир манџа? – Споделете го во коментар.
Ви препорачуваме да прочитате: Свински гулаш со пиво.
Следете ја sezahrana.mk и на Instagram и Pinterest.
*Спонзориран рецепт.