Немате идеја за ручек? Ви предлагаме да направите печено свинско месо со компири, прелиено со превкусен гурмански сос. На прв поглед изгледа како мусака, но вкусот е уште подобар и посочен. Не ви треба многу време и труд за подготовката, само изрендајте, измешајте ги состојките и ставете ги во рерна да се печат.
Додека пазарите изобилуваат со свеж спанаќ, искористете го моментот и направете ја оваа брза и лесна салата. Најчесто салатите се сметаат за диетална храна, затоа што содржат малку калории, а големи количини на вода и растителни влакна. Оваа салата со компири и спанаќ зачинета со ладно цедено масло од семки од тиква е одличен избор за сите кои сакаат да се хранат здраво и внимаваат на својата линија. Можете да ја послужите како гарнир со главното јадење или како засебен оборк.
,,Вкусот на јадењата пренесуван со генерации, никогаш не излегува од мода! Такво е и ова макало! – Ако не знаете што вкусно и лесно да си подготвите, пробајте го безвременскиот рецепт за традиционално макало од пиперки со компири! Го правеа моите баби, мајка ми, па и јас. ” – срдечно споделува Катерина Шамбевска Спасеновска од нашиот тим.
„Ова е еден од моите омилени рецепти! Превкусна комбинација на пилешко, компири, златна мешавина и кари зачин. Често го правам штом ми се најават гости на ручек или вечера, а верувајте дека сите го обожаваат! Ја поканив Катерина на дегустација и заедно снимивме кратко видео од подготовката на оваа запечена тава со пилешко. Таа го оцени рецептот со чиста 10-ка, па зошто да не го испробате рецептот што побрзо? Оваа интересна комбинација ја пробав во ресторан на туристичко место и многу ми се допадна. Едноставни состојки, а толку многу вкусно! Направив своја верзија на рецептот, кој стана традиционален и омилен. – вели Марија, фудблогер и уредник на нашиот сајт.
Ви треба инспирација за посна салата? – Имаме супер идеја за едноставна, вкусна и посна салата од компири и праз која сигурно ќе ја обожавате! Лесно и брзо се подготвува, а вкусот е одличен. Збогатете го празничното мени со уште еден посен деликатес и декорирајте ја трпезата на уникатен начин. Уживајте во празниците и светот на вкусовите!
Секој си има свој рецепт за мусака која е едно од омилените јадења во Македонија. Најчесто се прави со компири и мелено месо, а може да се најдат и варијанти со модар патлиџан или тиквички. Но, онаа традиционалната, таа ни е најубава и највкусна, омилена! Топла и сочна за убави моменти на трпезата заедно со семејството!
Мирисот на компир манџа со колбаси секогаш нѐ враќа во детсвото. Затоа споделуваме традиционален рецепт за манџа каква што ни подготвуваа нашите мајки. Ако и вас ве фати носталгија за тие убави времиња, кога низ целиот дом се ширеше убав мирис, набавете си квалитетни намирници и оваа зима стоплете се со домашно подготвена манџа богата со здрави зеленчуци.
Крцкав помфрит со совршена златна боја и текстура директно од вашата рерна! Повеќе не мора да јадите во ресторан, за да уживате во перфектно подготвен помфрит. Сѐ што ви е потребно е да набавите една ќесичка замрзнати компири и да ги следите нашите инструкции. Полесно не може да биде, а крајниот резултат е спектакуларен! За само 20-тина минути на вашата трпеза ќе сервирате крцкав помфрит подготвен во рерна.
Во потрага сте по вкусен рецепт за неделен ручек со вашето семејство или пак ви се најавија гости? – Вие сте на вистинското место. Пробајте го овој рецепт за печено пилешко месо со компири кој го најдовме на блогот на нашата пријателка Лана и пријатно изненадете ги сите. Се подготвува во еден сад за готвење, па ќе заштедите на време за миење.