Речиси и да не постои човек кој може да му одолее на вкусното и крцкаво похувано пилешко, меѓутоа ретко кој од нас знае да го погоди кога го подготвува дома. Па затоа, често кога одиме во ресторан и го нарачуваме, му се восхитуваме на прекрасниот вкус и крцкавата текстура. А, како би реагирале кога би ви кажале дека отсега ќе може да уживате во ова задоволство и дома? Ви нудиме еден супер, брз рецепт за крцкаво похувано пилешко кое се подготвува многу лесно и едноставно.
Иако навидум ви се чини дека е невозможна мисија да го постигнете тој ефект во домашни услови, навистина воопшто не е комплицирано, а не ви се потребни ни некои посебни намирници за негова подготовка.
Состојки:
- 1 килограм пилешко месо (стек, копанчиња или крилца)
- 2 чаши густ јогурт
- 2-3 јајца
- 200 грама чипс (можете да користите чипс со вкус на пиперка за подобар и малку пикантен вкус)
- сол по вкус
- црн пипер по вкус.
Подготовка:
- Во еден сад изматете ги јогуртот, јајцата, солта и црниот пипер.
- Белото пилешко месо најпрво темелно измијте ги и исушете го, а потоа исечете го на потенки и долгнавести парчиња, па ставете го во смесата со јајца и јогурт. По желба, може да употребите крилца или копанчиња.
- Потоа, иситнете го чипсот во кујнски сечко или рачно со помош на оклагија или толчник.
- Парчињата пилешко кои претходно биле потопени во смесата со јајца и млеко, извалкајте ги во иситнетиот чипс.
- Вака приготвеното пилешко може да го пржите во поголема количина на загреано масло во тава или пак да го испечете во рерна. Доколку се одлучите на поздравата варијанта и решите да го испечете, послужете се со решетката од рерната. На неа наредете ги претходно приготвените парчиња месо и печете ги на 200 степени за време од 25-30 минути, додека кората порумени и стане крцкава. За да не ја извалкате рерната, под решетката поставете плех за печење.
- Послужете ги сервирани со мешан сос од кечап и мајонез или направете друг сос по ваша желба.
Ви препорачуваме да прочитате: Кентаки поховано пилешко.