Крцкави и вкусни! Омилените здрави овесни колачиња може да ги направиш и дома. Збогатени со брусница и ленено семе изобилуваат со хранливи состојки, па ајде да ги пробаме!
Неколку придобивки од состојките кои се користат:
- Брусницата им дава сладок вкус и ги збогатува со антиоксиданси.
- Лененото семе и овесните снегулки ги обезбедуваат со растителни влакна кои помагаат за подобра дигестија.
- Ладно цеденото масло од ленено семе ги збогатува со здрави масти – полинезаситени масни киселини и омега -3. Омега-3 масните киселини се потребни за здрава функција на кардиоваскуларниот, коскениот, нервниот, респираторниот и дигестивниот систем. Прочитај зошто лененото масло го препорачуваат нутриционистите: Ленено масло за добро здравје на срцето.
Состојки:
- ¼ чаша Фила масло од ленено семе
- ½ чаша кафеав шеќер
- ¼ чаша шеќер
- ¼ чаша вода
- 1 големо јајце
- 1 лажичка екстракт од ванила
- 1 чаша брашно
- 2,5 лажици ленено семе
- 1/3 чаша овесни снегулки
- 1 лажица густин
- 1 лажичка цимет
- ½ лажичка сода бикарбона
- Прстофат сол
- 70 г сува брусница или суво грозје.
Подготовка:
- Пуштете ја рерната да се загрева на 190 степени.
- Плехот обложете го со хартија за печење.
- Во длабок сад за матење ставете ги маслото, водата, шеќерот и кратко изматете со миксер. Во садот додајте ги јајцето и ванилата. Повторно изматете.
- Во друга голема чинија измешајте ги брашното, содата бикарбона, солта, густинот и циметот.
- Смесата со брашното постепено додавајте ја во садот со јајцето и мешајте со шпатула или лажица. Потоа додајте ги овесните снегулки, лененото семе и бруснцата. Измешајте убаво.
- Со лажица за сладолед или друга голема лажица земајте од тестото и формирајте топчиња. Топчињата наредете ги во тавата, а притоа оставете растојание од 4-5 см измеѓу нив. Колачињата печете ги 6-7 минути. Тавата извадете ја од рерната и оставете ги печените овесни колачиња да се изладат 30 минути. Потоа послужете ги. На здравје!
Од наведената количина ќе добиете 12 колачиња, а нутриривната анализа е следната:
Информација плус:
Ладно цеденото масло од лен може да се најде во поголемите маркети низ земјата или да се нарача од веб продавницата на Фила.
Кликни и прочитај плус за придобивките од лененото масло.
*Рецептот е овозможен од Фила.