Ефикасна природна маска против подочници и надуеност на очите 1

Ефикасна природна маска против подочници и надуеност на очите

Проблемот со „надуени“ очи е познат на многумина од нас. Кој и да го има, знае дека отоците и подуеноста на очите е непријатна и неубава појава. Свесни за тој факт и во желба да помогнеме, ви предлагаме да испробате рецепт за ефикасна природна маска против подочници и надуеност на очите. Пробајте ја, нема да зажалите!

Помага и тоа на повеќе начини. Не само што ги отстранува темните кругови под очите, туку и совршено ја хидрира кожата. Исто така, го подобрува нејзиниот тонус, нежност и мекост, како и и дава здрав изглед. Ако пак имате потреба и желба да ги пополните ситни брчки кои се јавуваат околу очите, ви предлагаме природна хранлива маска која лесно се прави и дома.

Ефикасна природна маска против подочници и надуеност на очите 2

Маска против подочници и надуеност на очите

Состојки:

  • 1 лажица сок или гел од алое
  • 1 лажица свеж сок од краставица
  • 1/2 лажичка бадемово масло
  • малку пченкарен скроб (нишесте).

Подготовка и начин на употреба:

  1. Во чист сад ставете го сокот, односно гелот од алое и измешајте го со сокот од краставицата и бадемовото масло.
  2. Потоа, во смесата додајте го и пченкарниот скроб. Измешајте добро и маската е готова.
  3. Со нежни движења нанесете ја смесата околу очите. Маската држете ја околу 15 минути, а важно е да не чекате маската да се исуши потполно. Измијте ја со ладна вода.
  4. На крај, нанесете лесен хидратантен крем на лицето.

Маската можете да ја користите секојдневно додека го постигнете посакуваниот резултат.

Ви препорачуваме да прочитате: Ослободете се од темните кругови околу очите.

Сподели: