Зошто би правеле повторно исти кифлички со стандардна форма, кога можеме да уживаме во нешто ново и малку поинакво? Па, драги пријатели овие кифлички се баш такви, посебни, различни во формата и освен тоа со прелив. Мора да ги пробаме!
Состојки:
За кифлички:
- 1 кг брашно + 50 гр за домесување
- 650 мл топло млеко
- 40 гр квасец
- 1 лажица шеќер
- 1 лажица сол
- 150 гр омекнат маргарин или свинска маст (за премачкување)
За прелив:
- 500 мл неутрална павлака за готвење
- 3 големи јајца
- 1/2 лажичка сол.
Подготовка:
- Во сад ставете го квасецот, 100 мл топло млеко, шеќерот и една мала лажичка брашно. Оставете го квасецот да нарасне.
- Во длабок сад за месење ставете ги брашното и солта. Додадете го квасецот и преостанатото млеко. Замесете тесто и оставете го двојно да нарасне.
- Со сукало од тестото развлечете правоаголна кора. Кората премачкајте ја со маргарин, преклопете од долгата страна до средината, потоа уште еднаш од спротивните страни, како што се прави за лиснатите теста.
- Потоа уште еднаш развлечете го во големина на плехот од шпоретот. Кората треба да биде дебела 1 см. Од кората исечете ленти со ширина од 1 см, а потоа секоја лента свртете ја како спирала. Спиралите наредете ги во намрсен плех и оставете ги уште 20 минути за да нараснат.
- Во меѓувреме се припрема преливот. Во сад ставете ги јајцата и изматете ги со жица за матење. Во садот додадете ја павлаката и солта. Измешајте за да се соединат состојките.
- Врз нараснатите спирали ставете од преливот, а потоа печете ги во загреана рерна на температура од 180 степени за време од 40 минути.
Рецептот го испратил: Клара Бос.