Проверете дали вашите дрвени лажици и останат прибор кои ги користите во секојдневното готвење имаат некаков мирис или траги од некоја храна. Доколку дрвениот кујнски прибор има некој мирис кој ве иритира и не можете да го поднесете, пробајте да се ослободите со помош на лесно достапни кујнски состојки.
Лимон
Една од најдобрите кујнски состојки кои можете да ги користите за чистење во кујнскиот прибор е лимонот. Исцедете сок од лимон и додајте го во врела вода. Во така припремената течност, ставете го дрвениот кујнски прибор и оставете го така да стои 15 минути. Ако водата се излади, додајте дополнително топла вода. По 15 минути извадете ги дрвените предмети и избришете ги со крпа, а доколку има сонце најдобро е да се исушат на сонце.
Киселина
Додајте една чаша киселина во сад со вода, а потоа додајте и лажица мед и добро измешајте ги состојките. Со помош на памук, кој претходно треба да го исцедите од течноста, избришете го дрвениот кујнски прибор.
Сол
Солта е уште една од најдобрите кујнски состојки за чистење на дрвени лажици и виљушки, и други предмети од домаќинството. Во сад со чиста топла вода додајте сол и потопете го дрвениот прибор, варете го на оган најмалку 5 минути и кога ќе завршите исцедете ги, избришете ги и оставете ги на сонце барем еден ден.
Цитрусно овошје
Ако е потребно, покрај лимонот можете да ги користите и другите кисели овошја. Постапката е иста како со лимоновиот сок.
Сода бикарбона
Направете паста од сода бикарбона и сок од лимон. Со помош на памучна ткаенина нанесете ја пастата врз дрвените лажици и останатиот прибор и оставете ги околу 15 минути да се впие, а најдобро е ако тоа биде на сонце. На крај, секоја предмет измијте го со топла вода.
Топла вода
Чистењето со топла вода е еден од најлесните и најдобрите совети за одржување на дрвениот кујнски прибор. Можете да ги миете во што потопла вода секој пат кога ги користите.