Како да одржите оптимално ниво на железо во организмот за време на зимскиот период

Како да одржите оптимално ниво на железо во организмот за време на зимскиот период

Зимата е годишно време во кое треба да посветиме големо внимание на исхраната, со цел да одржиме добро здравје. Намалената понуда на разновидно свежо овошје и зеленчук во зимскиот период, ниските температури и празничните гозби можат сериозно да наштетат на балансот во организмот и дополнително да го ослабнат имуниот систем. Поради сето ова, исхраната  во зимскиот период  мора да биде избалансирана, богата со витамини, протеини, есенцијални масни киселини и минерали. А сите знаеме дека еден од најважните минерали за организмот е железото. Па, сигурно се прашувате: Како да одржите оптимално ниво на железо во организмот за време на зимскиот период?

Во зима, нашите оброци стануваат побогати со калории, а посиромашни со витамини и минерали, а особено со железо. Недостатокот на железо е најзастапен нутритивен дефицит во светот. Тој влијае на милиони луѓе во текот на животниот циклус и доведува до развој на анемија.

Како да одржите оптимално ниво на железо во организмот за време на зимскиот период

Најчестите знаци на оваа состојба се замор, слабост, слаба концентрација, проблеми со косата, кожата и ноктите и ниско ниво на хемоглобин или железо во крвта. Причината за споменатите симптоми лежи во улогата на хемоглобинот во пренесувањето на кислородот до сите клетки во телото, за тие да можат нормално да функционираат.

Препорачани дневни потреби за внес на железо

Тоа зависи од самиот организам. Најмногу железо е потрбно во периодот на растење, т.е. кај децата и тинејџерите, како и кај бремените жени и жените со обилна менструација.

Што се случува при негов недостаток?

Недостатокот на железо има бројни негативни ефекти, вклучувајќи намален работен капацитет, послаби спортски резултати, а може да доведе и до палпитации и срцебиење. Дури и пред да се развие анемија, ако има недоволно внесување на железо, резервите во организмот полека се исцрпуваат. Затоа, неопходно е во исхраната да бидат застапени намирници кои се богати со железо.

Кои намирници се богати со железо?

Тука спаѓаат:

  • црн дроб
  • темно чоколадо
  • риба
  • јајца
  • семки од тиква
  • ореви
  • кикиритки
  • лешници
  • бадеми
  • грав
  • суви кајсии
  • спанаќ
  • блитва
  • брокула
  • школки.

Како да ја подобрите апсорпцијата на железо?

  • Јадете храна која е богата со железо и пропратно со неа јадете храна која содржи витамин Ц, бидејќи помага за апсорпција на железото во организмот.
  • Чајот и кафето содржат полифеноли кои можат да го врзат железото, а тоа ја отежнува неговата апсорпција.
  • Калциумот исто така ја попречува апсорпцијата на железо, па доколку сакате добро да се апсорбира избегнувајте храна богата со калциум половина час пред и по оброкот богат со железо.

Ви препорачуваме да прочитате: Улогата на железото за здраво тело и здрав дух.

Следете ја sezahrana.mk и на Instagram и Pinterest.

Сподели: