Секој посакува да ги намали килограмите. Но, да се биде на диета не е лесно. Потребен е исклучително цврст карактер за да се одолее на различни слатки и солени искушенија. Познати светски експерти откриваат 7 стручни совети кои ќе ви помогнат да ја издржите диетата и да го изгубите вишокот на килограми, а ние ги споделуваме со вас.
Сите ја знаат формулата за успешно слабеење – јадете помалку и вежбајте повеќе. Звучи прилично лесно, но всушност, не е толку едноставно. За да ја издржите диетата и да ги намалите килограмите ви ги споделуваме најдобрите стручни совети.
Пијте многу вода или други нискокалорични пијалоци
Луѓето понекогаш ја заменуваат жедта со глад и завршуваат пред полна чинија со внесување калории што не ни се потребни. Кога ќе почувствувате глад, испијте една чаша ладна вода. Ако не ви се допаѓа обичната вода, додајте лимон во неа. Дозволено е да пиете и леден чај, но погрижете се тој да е нискокалоричен.
Размислете што да додадете во вашата исхрана
Започнете со земање пет до девет порции овошје и зеленчук во текот на денот. Можеби ви звучи многу, но не е. Овошјето и зеленчукот му ги даваат на телото потребните влакна па се чувствуваме заситени. Овошјето и зеленчукот спаѓаат во категоријата на она што можете постојано да го додавате во вашата исхрана. Експертите советуваат дека секогаш е најдобро да изберете сезонско овошје и зеленчук.
Размислете дали сте навистина гладни
Ако желбата за храна не доаѓа од вистинско чувство на глад, ништо што ќе јадете нема да ве задоволи. Ако се чувствувате добро после јадење, тоа значи дека сте задоволиле здрав глад. Но ако, се чувствувате надуено или уморно, тогаш сигурно не сте биле навистина гладни. Стомакот не е голем орган и не му треба премногу храна. Затоа, секогаш избирајте помали порции.
Внимателно бирајте ги ноќните закуски
Јадењето без размислување обично се случува после вечерата. Тогаш повеќето луѓе се смируваат и се релаксираат. Седењето во фотелја, пред ТВ со чипс или бисквити е типичен пример за несвесно јадење. Наместо нездрави грицки, изберете здрави, како што се овошјето или зеленчукот или диеталниот јогурт.
Уживајте во омилената храна
Исфрлањето на омилената храна од менито води до зголемување на телесната тежина бидејќи поттикнува прејадување. Наместо целосно да ја отфрлите храната што ја сакате, одлучете се за помали количини. Секогаш избирајте помали порции. Сè уште можете да уживате во омилената храна, но во мали количини.
Чувајте ја „опасната храна“ подалеку од дома
Кога имате силна желба за нешто слатко, почестете се со овошје. А ако не можете без да каснете чоколадо или торта, тоа нека биде само еден ред или мало парче од колачот.
Јадете неколку мали оброци на ден
Ако внесете помалку калории отколку што согорувате, ќе изгубите тежина. Меѓутоа, кога сте постојано гладни, јадењето помалку калории е вистински предизвик. Истражувањата покажуваат дека луѓето кои јадат четири до пет оброци на ден можат подобро да го контролираат својот апетит и тежина. А вечерата треба да биде последен оброк.
Ви предлагаме да прочитате: Направете сами свој диетален режим.