Нутриционистите препорачуваат дека е пожелно секој оброк да содржи барем 10 грама протеини. Но, како да ги задоволите потребите за протеини? Ако спортувате и сакате да оформите убаво тело, или пак сте веган, оваа листа ќе ви биде супер водич кон вашата цел, а воедно и ќе научите кои се најдобрите извори на растителни протеини.
Тука ќе пронајдете 7 начини како да внесете растителни протеини и тоа без месо, јајца и сирење. Листата ја препорачуваме за сите, без разлика на начинот на исхрана. Особено ќе ви биде од корист за време на пости, но и ќе ве поттикне почесто да консумирате здрава храна.
Како преку веганска исхрана да се задоволат потребите за растителни протеини?
Веганската исхрана во последно време е се поактуелна. Но, пред да се одлучите да станете веган, треба добро да се информирате во врска со исхраната и начините на кои ќе ги обезбедите сите неопходни микро и макронутриенти. Веганската исхрана се базира исклучиво на зеленчук и овошје и ги исклучува сите видови на храна од животинско потекло, што може да претставува посебен проблем кога станува збор за здравјето.
Наш совет е пред да почнете со веганска или вегетаријанска исхрана, да се информирате за важноста на внесот на витаминот Б12 и железото. Освен тоа, веганите и лицата кои активно се занимаваат со спорт се соочуваат со недостаток на протеини. Сигурно знаете дека главен извор на протеини се јајцата, месото и млечните производи. Но, кога тие се исклучени од исхраната без разлика дали тоа е по ваша желба или пак се соочувате со здравствен проблем, треба да бидете креативни и да истражувате. Затоа, sezahrana.mk е тука да ви даде одговор и да ви помогне за храната. Еве кои се нашите избори за растителни протеини кои треба често да ги сервирате во чиниите.
Семињата изобилуваат со растителни протеини и даваат енергија
Сусамот, семето од тиква, лененото семе и црното семе се нашиот избор на најдобри мали семиња кои претставуваа вистинска ризница на растителни протеини. Може да ги грицкате, додадете во леб, салата или било каде по ваша желба и вкус. Ако сте загрижени за калориската вредност и процентот на масти кои го содржат, ви предлагаме да набавите обезмастен интегрален сусам, обезмастени мелени семки од тиква, обезмастено мелено ленено семе и обезмастено мелено црно семе. Обезмастениот мелен интегрален сусам може да се користи самостојно, потопен во јогурт или млеко, или како додаток во оброк од мусли. Често се користи и како состојка во разни печива, како лебови, колачи и слично. Обезмастениот мелен интегрален сусам можете да го додадете во житарки, протеински шејкови и слично. Има солен вкус, така што може да се користи за приготвување на солена храна. Во 100 грама на производ има фантастични 53 грама на протеини.
Киноата е псевдожитарица која е богата со протеини и не содржи глутен
Киноата е на врвот на листата на намирници од растително потекло кои се богати со протеини, но и значајни аминокиселини. Претставува извор на есенцијалната аминокиселина леуцин, која помага за намалување на холестеролот, ги зајакнува мускулите и го олеснува процесот на намалување на вишокот на килограми. Таа е одлична псевдожитарица која не содржи глутен и има висока хранлива вредност.
Спирулина за добро здравје и енергија
Спирулината е слатководна алга, која ги содржи сите есенцијални аминокиселини. Има бројни придобивки врз организмот, како што се анти-воспалителни својства, балансирање на хормоните и зајакнување на крвта.
Брокулата, спанаќот и кељот изобилуваат со хранливи состојки
Освен што често се споменуваат како храна за превенција на многу болести, брокулата, спанаќот и кељот се одлични намирници кои се богати со протеини. Една чаша од гореспоменатите зеленчуци содржи 5 грама на растителни протеини.
Грашок и леќа за супер хранливи јадења
Скоро сите обожуваат грашок и леќа! Покрај тоа што се вкусни, тие имаат голема хранлива вредност. Може да се користат за подготовка на супи, чорби, да се додаваат во салати или да се послужат како прилог со друго јадење. Во една чаша грашок има 10 грама протеини.
Ви препорачуваме да прочитате: Сусам – семе на младоста и борец против лошиот холестерол.