Убавото кај пилинзите е тоа што истите може многу лесно да се направат и дома од состојки кои се лесно достапни и евтини и кои речиси сите ги имаме во нашата кујна. Ние ви нудиме еден лесен рецепт за пилинг од сол и шеќер, кој покрај тоа што ги отстранува мртвите клетки помага и во борбата против целулитот и стриите.
Основната намена на пилинзите е отстранување на нечистотиите и мртвите клетки од кожата. Затоа тие треба да имаат абразивна структура. После нивната употреба кожата останува мазна, бидејќи самата постапка ја поттикнува циркулацијата на крвта и придонесува за подмладување на клетките. Морската сол е збогатена со јод и микроелементи кои ја обновуваат кожата и затоа за овој пилинг се користи токму таа. Додека пак како масло може да се употреби било кое природно масло кое ја хидрира кожата, како што се кокосовото и маслиновото.
Состојки:
- 200 г морска сол
- 200 г шеќер
- 150 до 200 мл маслиново или кокосово масло.
Подготовка и употреба:
- Во стаклен сад промешајте ги солта, шеќерот и маслото, така што ќе добиете смеса со густина слична како јогурт.
- Вака подготвениот пилинг користете го секоја вечер при туширање или миење лице.
- Се нанесува со триење на проблематичните делови од кожата, така што ќе се масирате со кружни движења 2 до 3 минути.
- Потоа, едноставно исплакнете се со топла вода и нанесете ходратантен крем или лосион за тело.
- Резултатите се видливи по само еден месец редовна употреба на вака подготвениот пилинг. Ќе забележите дека стриите и целулитот се помалку забележливи.
Напоменa: Не треба да престанете со употреба на пилингот по забележувањето на првите позитивни ефекти, бидејќи со неговата редовна употреба возможно е скоро целосно да исчезнат стриите и целулитот.
Ви препорачуваме да прочитате: 4 совети против целулит и за полесно слабеење.