Кујната може да биде омилен простор ако ги знаеме нејзините основни правила на функционирање. Специјално за вас, искусни и неискусни наши домаќинки и домаќини, ви припремивме листа на многу корисни совети за готвење. Можеби дел од нив ви се познати, но сигурни сме дека она што ќе го прочитате како новост и тоа како ќе биде корисно за ваша радост во кујната!
Листа на корисни совети во кујна е следната:
- Ако супата или некое друго течно јадење има премногу маснотии, тоа може да се реши со коцка мраз. Ставете ја во супата и маснотијата ќе се „собери“ околу неа, па лесно ќе може да ја отстраните.
- При динстање на риба додајте малку млеко. На овој начин месото од рибата ќе има бела боја, а ќе се ослободите и од непријатниот мирис кој се шири за време на динстањето.
- Рибата најлесно ќе ја исчистите ако ја намачкате со сол, а исто така ако ја ставите половина минута во вода која врие, па крлушките ќе ги отстраните без проблем.
- Рибата може да остане свежа и до неколку дена ако ја посолите со крупна сол и ја ставите завитката во сува крпа во фрижидер.
- Белките можат да се оддвојат многу лесно од жолчките така што можете да го скршите јајцето врз цедалка за течност. Белката ќе пројде лесно, а жолчката ќе се задржи.
- За брзо и лесно постигнување на „снег“ од белки додајте неколку капки лимон.
- Пред да почнете да ги чукате шницлите, кујнскиот чекан најпрво наводенете го.
- Шницлите ќе бидат меки ако 6-10 часа пред печењето ги чувате во маринада. Маринадата направете ја од: 1 лажица масло, 1 јајце, малку сол и црн пипер и претходно да се добро исчукани, па ставете ги во маринадата.
- За да го избегните непријатниот мирис при варење на зелка, тенџерето прекријте го со чиста крпа натопена со киселина.
- Карфиолот нема да шири непријатен мирис при готвењето, односно варењето ако во водата ставите ловоров лист, а за да остане бел во водата додајте малку млеко и сок од лимон.
- Кромидот ќе го исчистите најлесно ако го натопите со топла вода, а за да не ги иритирате очите користете влажен нож и мокра даска за сечење.
- Ако го пресолите јадењето послужете се со следните трикови. На врвот од ножот додајте сода бикарбона, тоа ќе го неутрализира вкусот. Ако е чорба, во чорбата додајте поголеми излупени и сечени парчиња компир. Ако станува збор за месо наводенете чиста кујнска крпа, исцедете ја и ставете врз неа малку сол, па завиткајте го месото. По половина час на него ќе се образуваат кристали кои лесно ќе ги отстраните.
- За да не се суши месото кое го печите, одозгора врз тавата/пекачот ставете чинија, фолија, а под тавата ставете чинија со вода.
- Ако тестото за палачинки ви се лепи за тавата во смесата додајте чаша пиво или „снег“ од белки со малку сок од лимон. Така палачинките ќе бидат одлични.
- Прашокот за печиво можете да го замените со сода бикарбона.
- Компирот во мусаката ќе биде посочен, ако откако сте го излупиле и исекле на кругови, го оставите преку ноќ да стои во фрижидерот потопен во млеко. Истото млеко подоцна можете да го додадете во мусаката заедно со изматени јајца и да го искористите како прелив за мусака.
- Ако при пржењето маслото ве прска додајте малку сол во садот и ќе престане.