5 идеи за брзи и лесни појадоци • Сè за храна

Потребна ти е идеја и инспирација за појадок, полн со хранливи состојки кој лесно се приготвува? – За да се храниш здраво не е потребно многу. Доволна е само добра организација и желба. Оброкот на работното место не мора секој ден да ти биде бурек, кифла или сендвич. Многу едноставно можеш дома да си подготвиш здрав појадок и да си го земеш со себе на работа. Еве 5 идеи за брзи и лесни појадоци за секој работен ден од неделата.

Сите сме во постојано брзање и ретко кој има време да си подготви здрав оброк во текот на денот. Но, појадокот и ужината се особено важни и не треба да се занемарат бидејќи ја даваат енергијата што е клучна за добро функционирање во текот на денот. Еве 5 идеи за брзи и лесни појадоци кои ќе ти го разубават денот.

Брзи и здрави мафини со јаболка и цимет – без глутен, шеќер и млеко

Без глутен, без шеќер и без млеко, се одличен предлог за сите кои практикуваат режими на исхрана, имаат интолеранција или се хранат здраво. – вели Марија Кочовска од нашиот тим.

Состојки за 6-8 мафини:

2 јаболка
2 јајца
2 чаши Natura фини овесни снегулки
1/4 чаша масло
1/4 чаша сируп од урми или друг засладувач (мед, Natura кафеав шеќер…)
1 лажичка Fantasia прашок за печиво
1 лажичка екстракт од ванила
1 лажичка Fantasia цимет.

Подготовката на мафините можете да ја прочитате тука или да ја погледнете на видеото.

Зелено смути за 5 минути – хранливо и детокс

Слатко, а без шеќер, хранливо и здраво калорично, без глутен, совршен спој од состојки! – срдечно споделува Катерина Шамбевска Спасеновска од нашиот тим.

Состојки:

12-15 ливчиња спанаќ
1 јаболко или 2 ако се многу мали
1 лажица Natura фини овесни снегулки
1 лажица Natura семе од чиа
1 лажиче Natura ленено семе
10 бадеми
1 лажиче Natura лупен сончоглед
1 лажиче Natura семки од тиква
250 мл сок од портокал (цеден или 100% по декларација).

Подготовката на зеленото смути можете да ја прочитате тука или да ја погледнете на видеото.

Корнфлекс со млеко

Кога ви треба брз и квалитетен оброк подгответе порција корнфлекс со внимателно одбрани додатоци од овошје како здрава комбинација за појадок која ќе ве држи сити неколку часа.

Состојки:

пченкарни снегулки криспи или класик
млеко, јогурт, чај или сок по потреба.

Подготовка:

Потребната количина на снегулки прелијте ја со млеко, јогурт, чај или сок по желба. Оставете ги 15 минути да омекнат и послужете. Подготвената порција корнфлекс може да ја комбинирате со овошје по избор.