7 најдобри семиња за подготовка на смути • Сè за храна

Доколку имате навика често да консумирате салати и смути, оваа листа на семиња е идеална за вас! Со додавањето на семиња во овошна или зеленчукова комбинација, се зголемуваат витамините, минералите, протеините и здравите масти во оброкот. Во продолжение дознајте кои се најдобри семиња за смути, а се препорачани од нутриционистите.

Ако внимавате на исхраната, држите диета или едноставно сакате да се храните здраво, тогаш неминовно треба да ги вклучите здравите семиња во оброците. Без разлика дали ќе ги поросите омилените кифлички, ќе ги додадете во салата или пак во утринско смути, тие се секогаш добар избор.

Чиа семето е идеално за овошни пудинзи и згуснување на смутито

Ова семе е исклучително богато со протеини, омега 3 масни киселини и антиоксиданси. Може да се додава и во смути и во салати. Кога чиа семките ќе се потопат во течност, тие набабруваат и формираат слузеста материја. Затоа, овие семки се супер за подготовка на разни здрави овошни пудинзи. А како додаток за смути, шејкови и салати, ние го препорачуваме обезмастеното мелено чиа семе на Фила.

Сусамот изобилува со протеини

Сусамовите семки се богати со бакар, магнезиум и цинк. Во целина, сусамовото семе е одлично за кардиоваскуларното здравје, за респираторниот систем и за коските и зглобовите. Сусамот може да го користите во сурова форма или малку потпечен. Со него може да ги поросите салатите или пак да го додадете во кифли или печива. Исто така и сусамот може да го додавате во смути. Или пак, може да користите таан, кој во основа е мелени семки од сусам во облик на паста. Па така, може да си направите исклучително здрав прелив за салата од таан и лимон. А, на оние кои спортуваат и имаат физички активности во текот на денот им го препорачуваме обезмастениот мелен интегрален сусам на Фила. Може да го користите за подготовка на шејкови и смути затоа што изобилува со протеини. Во 100 грама на производ има фантастични 53 грама на протеини.

Може да ве интересира: Најдобри извори на растителни протеини за спортисти и вегани.

Сончогледот е богат извор на витамин Е, селен и магнезиум

Сончогледовото семе е одличен извор на витамин Е, селен и магнезиум и може да помогне во регулацијата на лошиот холестерол. Може да го грицкате самостојно, да ги поросите салатите или пак да го додадете во печива и смути. Исто така, постои и путер од семки од сончоглед кој е мошне сличен со останатите путери од јаткасти плодови. Сончогледот може да го комбинирате со останатите видови на семиња и на тој начин оброкот да го збогатите со дополнително ниво на витамини, минерали и протеини. Во линијата на производи на Фила, може да се најде супер хранлив микс од четири семиња – лен, сусам, тиква и сончоглед. Овој микс од семиња може да го додавате во протеински шејкови, смути, салати, домашни лепчиња и печива.

Семе од коноп

Во последно време ова семе станува се попопуларно. Содржи доста протеини, омега 3 и омега 6 масни киселини, како и гама линолеинска киселина и мошне позитивно влијае на метаболизмот. Претставува природен извор на витамин Е, фосфор, калиум, магнезиум, сулфур, калциум, железо и цинк. Може да додадете 1 мала лажичка семки во смути.

Лененото семе е супер храна

За лененото семе со право може да се каже дека е супер храна. Богато е со растителни влакна, особено со лигнани кои позитивно влијаат врз здравјето на цревата и срцето. Позитивно влијае и врз органите за дишење. Претставува еден од најдобрите извори на калциум и магнезиум. Нема некој особено изразен вкус, па може да се вклопи во секое јадење, салата или смути. Најдобро е да се консумира мелено, бидејќи кога е во цело зрно тешко се дигестира и не се искористуваат во целост хранливите состојки. Притоа треба да се има во предвид, дека мастите од меленото семе за брзо време оксидираат, па по мелењето треба да се искористи во најкраток период. Затоа е подобро да користите обезмастено мелено ленено семе од Фила. Во текот на денот може да консумирате по 1-3 супени лажици мелено ленено семе самостојно или потопено во млеко или јогурт, а може да го додавате и како додаток во смути, печива или оброк од мусли.

Семките од тиква го зајакнуваат имунитетот

Семките од тиква се богат извор на антиоксидасни, а изобилуваат и со магнезиум, манган, фосфор и железо. Од витамините богати се со витамин К, како и витамини од Б групата. Благодарение на состојките кои ги содржат ја зголемуваат отпорноста на организмот. Во традиционалната медицина се користат за подготовка на лекови за урогениталното здравје. Семките од тиква може да ги грицкате како здрави грицки или пак да ги искористите обезмастени мелени семки од тиква од Фила кои ќе ги додавате во шејкови, салати, мусли и печива. Препорачаната дневна доза е 30 грама на ден.

Пченичните никулци се богати со витамините од Б групата

Пченичните никулци се богати со витамините Б1, Б6 и растителни влакна, а содржат и одредена количина на протеини. Тие се совршен додаток на утринските каши.

Совет плус:

Многу е важно да се пронајдат квалитетни семиња, кои не содржат никакви адитиви и се чуваат во заштитена амбалажа. Кога сме кај тоа, наша препорака се семињата на Фила кои може да се најдат во поголемите маркети низ Македонија или да се порачаат онлајн. За да ги купите онлајн, посетете ја веб продавницата на Фила, каде што може да набавите: