Ова е моето омилено смути на сите времиња! Толку добро и лесно, енергично и освежително, совршено за хранење, но и детокс на организмот! Слатко, а без шеќер, хранливо и здраво калорично, без глутен, совршен спој од состојки! Често ви го спомнувам син ми и сега ќе ви кажам пак, уште од најмал ми е идеално гурманско друштво и секое „Мама сакам зелено смути!“, неизмерно ме радува! Имаме многу утрински фотографии како пиеме заедно, па ве охрабрувам да го пробате и понудите најдоброто зелено смути за 5 минути на вашите сакани, на децата, на родителите, на пријателите и да направите свои спомени.
Пролетно зелено смути за детоксикација
По долгата зима, кога во нашата исхрана недостасува свежо овошје и зеленчук, може да се појават непријатни симптоми како хроничен замор, главоболки, депресија и намален имунитет. Тоа се симптоми кои укажуваат дека е време за детоксикација на организмот. Променете ја исхраната и подготовката на храната. Наместо пржена и печена храна, јадете што повеќе свежо овошје и зеленчук. Обидете се да готвите на пареа, бидејќи овој начин на готвење остава најмногу витамини и минерали во храната. Подгответе сами домашни сокови од овошје и зеленчук или направете пролетно зелено смути за детоксикација на организмот.
Летно смути со спирулина и краставица
Летото е на прагот, а ние копнееме по свежи и зелени оброци! Од таму ни е и идејата да направиме освежително смути со спирулина. Го споделуваме со вас токму затоа што е нутритивно богато и е лесно за подготовка. Совршен рецепт за сите вегани и оние кои постат или се на диета. Се надеваме дека ќе ви се допадне, а ако го пробате тагитајте ја @sezahrana.mk!
Детоксикацијата е клуч за полесен живот – зелено детокс смуди
Детоксикацијата е природен процес кој се извршува секојдневно во нашето тело. Се одвива без никаков особен голем напор, исто како што срцето пумпа крв. Единствено негативно во тој природен процес, е тоа што црниот дроб не може да работи безгранично. Што значи тоа? – Во продолжение ви откриваме неколку факти кои се едноставни за паметење, но и тоа како го подобруваат квалитетот на животот, а исто така еден наш проверен рецепт за детоксикација на телото и органите кои ја чуваат неговата благосостојба.
Брза посна салата за слави
„Кога ќе дојде време за припрема на слава, секој од нас сака да ги почести своите гости со најубави и највкусни мезиња и јадења. А, мора да спомнам дека скоро сите ние, секоја година ги повторуваме неколкуте испробани рецепти кои ги знаеме, а желбата да се припреми и послужи нешто ново вкусно е секогаш тука. Па, ви препорачувам да ја пробате оваа испробана и брза посна салата, која со години ја приготвуваме во фамилијата и гостите баш ја обожаваат, а често си ја приготвувам и како оброк за дома!“ – вели Катерина Шамбевска Спасеновска фудблогер и уредник од нашиот тим.
Зелено детокс смуди за побрз метаболизам
Зелено смути со грозје и јаболко
Зелено детокс смути со киви и спирулина
Празниците се при крај, па време е да започнеме со детоксикација на организмот. А тоа најдобро е да го направиме со консумација на супер храна како спирулината, чиа семето, но и свежото овошје и зеленчукот. За да ја постигнете таа цел ви предлагаме одличен рецепт за зелено детокс смути со киви и спирулина.