По повод освоеното прво место за најдобар сајт за Храна и здравје, ве покануваме на нашето бесплатно предавање – вебинар во среда на 23.12.2020 г во 18:00 часот. Ќе зборуваме како може да се зајакне имунитетот овој период, која храна се препорачува, кои совети треба да се применуваат, а ги препорачуваат нутриционистите и докторите.
Сѐ за храна помеѓу победниците на Сајт на годината 2019
Основачите на Сѐ за храна одржаа предавање на Биотехничкиот факултет
Сѐ за храна со едукативно предавање го одбележа Светскиот ден на храната
Интерактивно предавање од Сѐ за храна „Моето искуство: Како да јадеме здраво?“
Натпревар за избор на најубаво украсени велигденски јајца и празнична трпеза
Да ја продолжиме традицијата и радоста за убавите празници! Инспирирани од престојниот христијански празник – Велигден решивме да реализираме уште една награден натпревар и од срце да наградиме двајца учесници. Па, ајде да ги искористиме Велигденските празници за да ја разбудиме креативноста, да создадеме прекрасни ремек дела од нашата традиција за бојадисување јајца, поставување празнични трпези и споделување љубов со најблиските.
Сѐ за храна учествуваше на Саем за волонтеризам 2017
По трет пат во Битола, во организација на Американското Катче Битола и Амбасадата на САД во Македонија, се одржа Саем за волонтеризам 2017 . Саемот беше отворен за сите и посетен од голем број средношколци, студенти и млади професионалци кои се запознаа со актуелните волонтерски можности во Битола, регионот и Европа. На саемот се претставија 10 невладини организации од Битола и регионот, кои на заитересираните им ги презентираа своите волонтерски можности и ги споделија нивните успешни приказни и проекти.
Сѐ за храна ќе биде дел од овогодинешниот Саем за волонтеризам 2017
Во просториите на Техничкиот Факултет во Битола, на 2 Октомври (понеделник) од 12:00 часот до 15:00 часот, во организација на Американското Катче Битола и Амбасадата на САД во Македонија, ќе се одржи Саем за Волонтеризам 2017. На овој саем учество ќе земат повеќе невладини организации од Битола и регионот.
Галерија од одржаната креативна работилница „Со боите на храната креираме уметност“
Во рамките на Битфест 2017, на 27.06.2017 година, со почеток од 19:00 часот, на плоштадот Магнолија во Битола, Сѐ за храна одржа креативна работилница „ Со боите на храната креираме уметност“. На истата беа презентирани креативни мозаици и цртежи од храна, декорации со храна и предмети кои се употребуваат во домаќинството, рециклирани шишиња и тегли кои беа претворени во украсни детали за домот или за изработка на накит и слично.
Успешно реализиран настанот „Здрави навики, за здрав срцев ритам“
Скоро 50 % од смртноста во светот се должи на кардиоваскуларните заболувања (КВЗ). Сличен е случајот во Македонија, каде во последните години смрноста поради КВЗ изнесува скоро 60%. Со цел да го намалиме ризикот од кардиоваскуларни заболувања со помош на храната, вчера, на 27.03.2017,во малата сала на Центарот за култура во Битола, Здружението за едукација и кулинарство Сѐ за храна одржа едукативно предавање на тема „Здрави навики, за здрав срцев ритам“. Важна информација и факт кој сите треба да го запаметиме е дека со здрав режим на исхрана, надополнет со уште неколку здрави навики, ризикот од КВЗ се намалува до 90%.
Галерија: Настан „Подобра исхрана, подобар живот“
Голема посетеност на настанот „Подобра исхрана, подобар живот“
Со цел да дадеме свој придонес во подобрувањето на квалитетот на живот на битолчани, Здружението за едукација и кулинарство Сѐ за храна организираше едукативна вечер на која стручни лица говореа како граѓаните со подобра исхрана и физичка активност може да си го подобрат сопственото здравје. Под мотото „Подобра исхрана, подобар живот“, во малата сала на Центарот за Култура во Битола, вчера, со почеток во 18:00 часот се одржа едукативен настан на тема „Здравјето е најважно!“ кој беше посетен од голем број на граѓани, а салата беше исполнета до последното место.
Сѐ за храна ве кани на настанот „Подобра исхрана, подобар живот“
Сѐ за храна помеѓу победниците за најдобар сајт на годината
Трета година по ред Сѐ за храна е дел од победничките сајтови во Македонија. Работиме за да бидеме најдобри за читателите не само за победничко место, бидејќи вие што нѐ следите сте најважни. Признание од некого годи, но лојалноста од вас читателите и вашите секојдневните позитивни коментари се најдобра награда од сѐ, иако тоа официјално никаде не стои. Ете затоа, благодариме на сите кои читаат и гласаа за sezahrana.mk! Ние ќе продолжиме да си работиме чесно и натаму!