Ви предлагаме уште еден наш испробан рецепт со семејна традиција и што е важно без конзерванси. Вака подготвениот домашен кечап има одличен вкус и наидува на позитивни коментари и емоции на задоволство од секој кој го пробал.
Хранлив, посен и богат со протеини! Хумусот е традиционално јадење од Блискиот Исток, во кое главна состојка е наутот, а најчесто се служи во вид на традиционално припремени фалафел ќофтиња. Има специфичен, богат вкус, мазна текстура и е еден од најздравите намази. Се приготвува многу брзо, а може да се складира во фрижидер со денови, па кога и да сакате здраво мезе или лесен оброк, ќе ви биде на дофат. Тостирате лепчиња, сечкате домати и заедно со веќе готовиот домашен хумус, добивате брз и здрав оброк.
Јапонски јаболка – храна на боговите! Ова егзотично овошје кое оригинално потекува од Кина, е богато со многу хранливи материи, витамини, минерали и антиоксиданси. Во текот на секоја сезона од созревањето, овошките може да го менуваат обликот. Исто така, варираат со големина од 50 до 500 грама. Бојата на овошјето може да биде од светло жолта до темно портокалова. Се јаде цела овошка, освен семките и стебленцето. Се препорачува да се јаде свежо, но може да се направи и домашен сок од јапонски јаболка, компот или слатко. А во азиската кујна, многу често се консумира и во сушена форма како додаток на колачи и ориз.
Ако страдате од кашлица која не е поврзана со посериозна состојба, како што е пневмонија, ви препорачуваме да пиете чист сок од ананас. Тој е ефикасен и ќе ви донесе побрзо закрепнување. Ќе го смири воспаленото грло и ќе го олесни ослободувањето од насобраната слуз. Еве како да направите домашен сируп од ананас против кашлица.
„Се дружиме, споделуваме рецепти и ги испробуваме. Групата Се за храна на Facebook е кулинарско катче кое е моја инспирација за најубавите, домашни рецепти. Идејата за овој рецепт за домашен сок од портокали е токму од таа група. Го сподели Сим Атанасовска, а мене многу ми се допадна и решив да го испробам веднаш.
Дали некогаш сте направиле домашен сок од киви? Одличен е за здравјето, бидејќи спречува кардиоваскуларни заболувања, појава на тромб и згрутчување на крвта, го намалува ризикот од мозочен удар, ја штити виталноста на клетките и поволно делува на видот. Нашата пријателка и членка во групата на Сѐ за храна, Велика, ни сподели одличен рецепт за сок од киви кој мора да го пробате. На лесен и едноставен начин направете си вистинска витаминска бомба за организмот.
„Ги обожавам традиционалните рецепти од тефтерите на моите најблиски! Со задоволство споделувам уште еден семеен рецепт со долгогодишна традиција. Во оваа прилика тоа е рецепт за лутиче – домашен доматен сос без конзерванси од вкусната ризницата на свекрва ми. Дома го обожаваме сите, веќе неколку години го правам и јас, топло го препорачувам!“ – споделува Катерина од нашиот тим, која го направи и слика вкусното лутиче.
Тајната на секое вкусно јадење се крие во зачините кои се користат при подготовката. Со тоа ќе се сложат и најдобрите готвачи во светот. А дали купувате готови зачини за месо? Сте помислиле ли дека може да направите домашен зачин за кременадли? – Ви откриваме супер рецепт за зачин кој може да го користите и до 6 месеци!
Време е да ја направиме највкусната зимница и во шпајзот да ги наредиме теглите со домашен џем, слатко, мармалад… Убаво е да има од сѐ по малку, за бескрајно уживање во поладните денови. Ако го обожавате џемот од смокви и сакате да си направите дома, еве супер рецепт! Смокви во комбинација со ванила, цимет и рум за совршено уживање во светот на вкусовите!