Гарантирано ќе уживате во нашиот рецепт за посно пире со спанаќ и бадеми кое е инспирирано од светот на вкусовите! Не е потребна голема вештина, потребно е само малку време и добра волја за да уживате во резултатот од овој брз и лесен рецепт. Декоративно и вкусно, хранливо за целото семејство, па беше бендисано и од уредниците на новото македонско списание Добра храна и се најде на една од нивните страници. Уживавме во соработката, а до нас стигнаа голем број позитивни критики, ви благодариме за тоа!
Имаме супер предлог за здрав појадок кој ќе ги направи утрата уште подобри! Направете си кремасто смути со јаболко и банана. Изобилува со растителни протеини, растителни влакна кои се важни за добар метаболизам, како и здрави масти. Не содржи шеќер, а ќе ја подигне вашата енергија и расположение. Совршено вкусно за секој од нас!
Ако ви досадило да јадете месо секојдневно, а не знаете што вкусно и посно да си подготвите, ви предлагаме еден рецепт за макало од праз и пиперки, кој сосем случајно го испробавме во нашата кујна и прерасна во еден од омилените посни рецепти. Вкусот е многу добар, топло препорачуваме да го пробате!
Растителните млека во последно време се повеќе се во тренд, а особено голема примена имаат за време на пости. Не содржат лактоза, па може да ги консумираат лица кои имаат интолеранција, вегани како и сите други кои водат здрав живот. Денес ви претставуваме лесен рецепт со кој ќе може да направите овесно млеко од овесни снегулки.
