Чинијата нека изобилува со различни бои и хранливи состојки. Истражувајќи ја светската кујна го пронајдов рецептот за посна мексиканска салата. Направив моја комбинација со состојки кои се достапни кај нас, која верувам дека ќе ви се допадне!
Како што сите имаме сѐ повеќе обврски, така бараме и размислуваме за креативни решенија кои ќе ни ја понудат удобноста, но и вкусните карактеристики на јадењата. Разгледувавме низ маркетите и имаме како предлог неколку топ зачини кои ги издвоивме за лесно и вкусно готвење, што посебно е корисно во летните денови.
Овој период од годината, со променливото време настините се неодминливи гости во нашите домови. Покачена температура, поспаност, воспаленија, болки во зглобовите, кашлање и течење на носот се многу често застапени симптоми. Затоа, постојано сме во потрага по витамини, минерали и други додатоци, се со цел што повеќе да се заштитиме. Постојат многу начини за да се намали воспалението кое настанало, а еден од нив е употребата на зачини во исхраната. Ви откриваме 6 зачини со најдобро антивоспалително дејство.
Ви здосади секојдневното мени и имате желба да пробате нешто ново? – Имаме одличен предлог за промена кој и тоа како ќе ви годи и ќе посакате да го подготвувате што почесто! Размислувавме за инспирација и овој пат ја одбравме богатата мексиканска кујна од која издвоивме совршено вкусно тако со пилешко и пченка.
„Добрите навики се стекнуваат од мали нозе! Син ми обожава ,,finger food” и грицкање, па ме поттикна да смислам поздрава варијанта на домашни грицки. Излегоа успешни и превкусни, дефинитивно препорачувам да ги пробате. Секој би уживал во супер крцкавите грахам крекери со зачини и семиња!“- порачува Катерина Шамбевска Спасеновска, која е еден од уредниците на нашиот сајт и автор на инстаграм профилот @katerina.shambevska.
Ниту едно јадење не може да се замисли без зачин. Освен неверојатната арома, зачините го подобруваат и вкусот на храната. Но понекогаш, зачинувањето на храната може да биде проблем, а за тоа сме тука ние. Во продолжение прочитајте неколку трикови и избегнете ги најчестите грешки кои се прават при зачинувањето.
Иако постојат одредени намирници кои се највкусни без никакви додатоци, сигурно ќе се согласите дека зачините им даваат подобар вкус на повеќето јадења. За да го направите ручекот повкусен, неопходно е да знаете кои зачини да ги користите со која храна. Во оваа прилика ви откриваме кои зачини да ги користите за подготовка на свинско месо.
„Спомени од дестството! Совршено крцкави, неизмерно вкусни и направени од вештите раце на мајка ми! – Ете на тоа ме потсетуваат овие крцкави вртени стапчиња. Мајка ми ни ги правеше од кога знам за себе, па сега со огромно задоволство ги правам јас. Пријатните емоции од сеќавањата на крцкањето и уживањето во дружбите, родендените, ме поттикнаа да научам да ги правам совршено како неа. Сите кои ги пробаа, се воодушевија и затоа ви ги препорачувам! – вели Катерина од нашиот тим.
Време е за нешто ново, да дознаеме и откриеме нов вкус! Сте пробале ли до сега „pumpkin spice“ зачин? Можете ли да претпоставите за каква мешавина станува збор? – Тоа е зачин кој е составен од цимет, морско оревче, ѓумбир и каранфилче. Особено е интересен за есенскиот и зимскиот период. Ќе ви го направи посебно уживањето во зимските десерти и рецептите со тиква.