Ваков декоративeн ориз е добредојден за радост во сечија чинија. Веруваме дека никој не би можел да остане рамнодушен. Љубители сме на оваа намирница и сакаме да ја јадеме во разни варијанти, па, зошто не би пробале симпатичен и вкусен ориз со фиде!?
А, кога ги опишуваме рецептите на Весна, со задоволство го задржуваме нејзиниот стил. па, еве што вели таа: „Декоративен ориз, повторно, поточно ориз со фиде. Преубаво за свечено сервирање за празник. Овој начин на подготовка на оризот, кај нас се нарекува пилав, поточно пиљаф и е солен. Вкусно е многу, а на овој начин преубаво и за око. Го сакам многу пилавот уште од мала. Основниот рецепт е едноставен, варениот ориз треба да се полие со врело масло. Мојот рецепт малку се разликува, поздраво е така, а и оризот не се слепува.“
Уживајте во рецептот и во јадењето пријатели. На здравје!
Состојки:
- ориз по потреба
- 1 филџан фиде
- малку магданос
- сол по потреба
- сув зачин по потреба
- масло по потреба.
Подготовка:
- Оризот се мие низ неколку води, а потоа се става во врела вода со малку масло, сол и сушен зачин да се свари.
- Во друга поголема тава, се пржи фиде до златна боја, но не смее да изгори.
- Оризот се цеди од водата и се става во тавата со фиде, се свртува еднаш, двапати и веќе е готов за сервирање.
- Начинот за правење на овие декоративни Ивини момички е следниот. Ви треба цилиндарче кое се поставува на чинијата за сервирање и се полни на редови, ред ориз, ред магдонос, како сакате, што и да ставате ќе биде декоративно и интересно!
- Потоа со едната рака се притиска содржината, а со другата цилиндрарот се крева нагоре. Во чинијата останува оваа убавина.
Рецептот го испратил: Весна Рор, vesnarohrrecepti.com.
Ви препорачуваме да прочитате: Италијански рецепт за рижото со печурки и бело вино.