Запечено свинско во кремаст сос од печурки • Сè за храна

Дали сакате да приготвите сочно месо во кремаст сос? – Ова е најдобриот рецепт за свинско месо во сос од печурки кој вреди да го приготвите во првата прилика. Набавете ги состојките и следете ги чекорите за подготовка.

„Подобро и повкусно од ресторан! Топло ви препорачувам да го испробате овој рецепт, а гарантирам дека ќе го освои сечиј вкус. Месото приготвено на овој начин е сочно, со богата арома, а сосот фантастичен.“ – додава Марија од нашиот тим.

Состојки:

4 парчиња свежо свинско каре или кременадли без коска
морска сол
мелен црн бибер, лук во прав, рузмарин од Podravka
400 г свежи шампињони
1 лажица путер
2 лажици маслиново масло
прстофат свежа мајчина душица
350 мл вода
1 ќесичка Vegeta fant сос од печурки.

За декорација:

гранчиња свеж рузмарин, шери домати.

Подготовка:

Парчињата месо измијте ги и ставете ги во чинија. Зачинете ги со сол, мелен црн бибер, лук во прав и рузмарин.
Шампињоните измијте ги, исчистете ги и исечкајте ги на листови со дебелина од 3-5 мм.
Во тава на оган ставете го путерот да се растопи, а потоа додајте го маслото. Штом маслото се загрее, ставете го месото. Пржете го по 3-4 минути од страна додека малку порумени. Месото извадете го во чинија.

Рерната пуштете ја да се загрева на 180 степени.
Во тавата во која се пржеше месото ставете ги печурките и пропржете ги кратко. Зачинете ги со сол, мелен црн бибер, лук во прав и мајчина душица. Течноста од тавата внимателно отстранете ја и продолжете со пржењето уште 2-3 минути.
Додајте ја водата и содржината од ќесичката Vegeta fant сос од печурки. Оставете сосот да зоврие, а притоа постојано мешајте додека се згусти.

Во тава за печење ставете го сосот и наредете го месото. Врз секое парче ставете по малку од сосот. Тавата ставете ја во рерната и печете околу 25-30 минути.

Запеченото свинско месо во сос од печурки декорирајте го со гранчиња свеж рузмарин, шери домати и послужете го додека е топло. На здравје!

Совети плус:

Свинското месо може да го зачините два до три часа пред подготовката. Најдобро е да го зачините и да го оставите во фрижидер преку ноќ.
Ако немате свежа мајчина душица, додајте ја како зачин. Мајчината душица може да ја најдете во палетата на Vegeta Maesto зачини.