Интернационалната кујна изобилува со разни вкусни рецепти! Обично кога одиме накаде на патување сакаме да пробаме нешто ново и потоа да го предложиме рецептот за да пробаат сите. Таков е и овој рецепт за одличните индиски полнети лепчиња. Пробајте ги, убави се.
Може да ве интересира: Оригинален либански рецепт за хумус.
Состојки:
- 500-600 гр брашно
- 3 лажици јогурт
- 1 чаша млеко
- 2 лажици шеќер
- 1 ½ лажица сув квасец
- 100 мл млака вода
- ½ лажичка свеж сок од лимон
- ½ лажица прашок за печиво
- 2-3 лажички путер
- сол по вкус.
За фил:
- 5-6 варени компири
- 3-4 главици ситно сечкан кромид
- 1 лажичка чили
- 1 лажица паста од ѓумбир
- 2-3 лажички масло или путер
- сол по вкус.
Подготовка:
- Во сад ставете 100 мл млака вода, додадете го квасецот и 1 лажица шеќер. Оставете го да стои 10 минути.
- Потоа во садот додадете го сокот од лимон.
- Во сад за месење ставете ги брашното, јогуртот, млекото, 1 лажица шеќер, 1 лажичка путер и сол по вкус. Измешајте ги состојките.
- Во садот додадете го квасецот и млака вода по потреба, па замесете тесто. Тестото оставете го да околу 2 часа за да нарасне.
- Варените компири измешајте ги со кромидот, чилито, ѓумбирот, маслото и солта.
- Од нараснатото тесто формирајте топки.
- Во секоја топка, направете мал отвор и ставете од филот со компири. Со сукало од секоја топка исучете кора.
- Корите печете ги во загреано тавче со малку масло од двете страни додека добијат убава румена боја.
Ви препорачуваме да прочитате: Рецепт за домашни арапски лепчиња.