Овој период, мирисот на лук доминира во многу домови. Аромата која се шири низ кујната од вкусните јадења додека готвите, сигурно ви предизвикува поголем апетит и пријатно чувство. Но, мирисот кој останува на рацете по готвењето и не е баш толку пријатен, а некогаш е толку силен што иритира. Еве како најлесно може да го отстраните мирисот на лук на рацете.
Лукот има интензивен и иритирачки мирис кој најчесто трае многу подолго од готовиот оброк. Истиот знае да се задржи долго на рацете, а особено во делот околу ноктите.
Еве како да го отстраните мирисот од лук на рацете:
- Рацете тријте ги со лажичка или друг прибор од нер’ѓосувачки челик под млаз ладна вода околу 1 минута. Се смета дека молекулите кои се одговорни за мирисот реагираат во допир со металот и се неутрализираат.
- Кафето одлично ги неутрализира мирисите. Зрната кафе освен што се добри за природен пилинг, ќе ви помогнат и да го отстраните мирисот од рацете, по што кожата ќе остане негувана.
- Истиот ефект го има и цитрусното овошје. Врз парче лимон ставете малку сол и истријте ги дланките. Но, бидете внимателни ако рацете ви се чувствителни или испукани. Во тој случај пробајте само со парче лимон.
- Направете паста од вода и сода бикарбона и измијте ги рацете. Сода бикарбоната одлично ги неутрализира мирисите.
- Пастата за заби ќе ви биде од голема помош. Кратко истријте ги рацете и ноктите, а потоа исплакнете.
Совети плус:
- Кога миете раце користете ладна вода. Топлата вода ги отвора порите во кои се вовлекува непријатниот мирис.
- Можете да користите и хируршки ракавици при готвењето, лупењето или при подготовка на зимницата.
Ви препорачуваме да прочитате: 6 намирници кои го неутрализираат мирисот од лук после оброкот.