Богородичната трева или кантарион, одамна е позната по своите лековити својства, а голема примена има во традиционалната медицина и фармацевтската индустрија. Производите од кантарион – чај, масло, тинктура одамна се користат против изгореници, хемороиди, исеченици, депресија, смирување, болки во желудникот, цревни паразити, дијареја, настинка, кашлица и астма. Кантарионот има антибактериско дејство и е природен антисептик.
Употреба на маслото од кантарион
Традиционално, масло од кантарион се припрема на Иванден, а има антивоспалително дејство. Од цветовите на кантарионот се прави лековито масло, кое може да се користи за:
- изгореници од сонце
- масажа при болки во половината, мускулите и зглобовите
- забрзување на заздравувањето на рани и исеченици
- модринки
- масажа при канцер на дојка по третманите со зрачење
- убоди од пчела
- проширени вени.
Направете масло од кантарион
Ова лековито и многу корисно масло може да го направите дома на едноставен начин, без да потрошите многу пари. Најважно е да си набавите ладно цедено сончогледово масло, кое има пристапна цена и суви цветови од кантарион. За да направите масло од кантарион потребни ви се следните состојки:
Состојки:
- Свежи цветови од кантарион
- Ладно цедено сончогледово масло.
Подготовка:
- Цветовите од кантарион ставете ги во тегла, а потоа додајте го ладно цеденото сончогледово масло. Количината на цветови и маслото е во зависност од големината на теглата, а потребно е да се наполни целата тегла со цветови.
- Теглата чувајте ја 40 денови на сонце, а повремено промешајте ја смесата.
- Потоа, маслото процедете го низ платнена цедилка и ставете го во стаклен темен сад. Припременото масло од кантарион чувајте го на темно и ладно место, и употребете го во период од една година. Маслото од кантарион нанесете го во мала количина на кожата, неколку пати на ден.
Ви предлагаме да прочитате: Како да направите лековито масло од невен?