Крцкави крилца печени во рерна 1

Крцкави крилца печени во рерна

И печените крилца се подеднакво вкусни како и пржените! Сте знаеле ли дека може да направите вкусни и крцкави крилца и во рерна? На тој начин тие имаат крцкава кора, а внатре се вкусни и сочни. Може да ги послужите како мезе со доматен сос, кечап или сос за скара додека гледате некој спортски натпревар или филм со вашите пријатели.

Брзо, вкусно и неодоливо. За неполн час може да подготвите вистинско гурманско уживање за вас и за вашето семејство, повкусно и поздраво од во ресторан. Рецепт кој вреди да се проба уште во првата прилика!

Крцкави крилца печени во рерна 2

Состојки:

  • 2 кг пилешки крилца
  • 100 г брашно
  • ½ ќесичка прашок за печиво
  • 1 лажица мешан сув зачин
  • 2 лажици мелен црвен пипер (по желба може и лут)
  • 1 мала лажичка сол
  • ½ мала лажичка лук во прав
  • ладно цедено сончогледово масло од Фила по потреба.

Подготовка:

  1. Во длабок сад промешајте ги брашното, прашокот за печиво и зачините.
  2. Крилцата наредете ги врз кујнска хартија за да се потсушат.
  3. Потоа, малку намрсете ги со ладно цедено сончогледово масло, посолете ги и на крај нанесете врз нив од претходно направената смеса од брашно и зачини.
  4. Вака припремени, крилцата наредете ги врз плех обложен со хартија за печење.
  5. Печете ги во загреана рерна на 200 степени, околу 30 минути од едната страна, па завртете ги и печете ги уште дополнителни 10-15 минути од другата страна.
  6. Послужете ги со сос по ваша желба. На здравје!

Препорака плус

Во богатата палета на Фила може да најдете квалитетно ладно цедено сончогледово масло во различна амбалажа со количина по ваш избор. Достапно е ладно цедено сончогледово масло од 250 мл500 мл750 мл и 1000 мл. Тука е и маслото Шарлаган од 1 литар, кое исто така е ладно цедено сончогледово масло и е одлично за секојдневна употреба. Истите може да се најдат во поголемите маркети и продавниците за здрава храна, а можете да ги порачате и онлајн на нивната веб продавница. Од Фила ги препорачуваат ладно цедените масла за готвење на сите ваши јадења и салати.

Домашен пикантен кечап

Ви препорачуваме да прочитате: Фритата со тиквички и спанаќ.

Следете ја sezahrana.mk и на Instagram и Pinterest.

*Спонзориран рецепт.

Сподели: